ສະພາເອີລົບຮັບຮອງກົດໝາຍເພື່ອໂຈມຕີວິກິດການດ້ານການເງິນ
(GMT+08:00) 2011-11-16 11:36:38 cri
ວັນທີ15ພະຈິກນີ້, ສະພາເອີລົບໄດ້ຮັບຮອງກົດໝາຍສະບັບໜຶ່ງໃນກອງປະຊຸມຄົບຄະນະທີ່ຈັດຂຶ້ນຢູ່ສະຕຼັກບວກຂອງຝລັ່ງ,ເກືອດຫ້າມການກະທຳທີ່ມີການຊື້ຂາຍທີ່ລະເມີດສັນຍາສິນເຊື່ອ,ມີຈຸດປະສົງເພື່ອຍົກສູງຄວາມໂປ່ງໃສຂອງການຄ້າທາງດ້ານການເງິນຂອງເຂດໃຊ້ເງິນເອີໂຣ,ແລະເປັນການຕອບຕ້ານການກະທຳສວຍໂອກາດທີ່ແນໃສ່ໜີ້ສິນພາກລັດ.
ກົດໝາຍສະບັບດັ່ງກ່າວຈະສະໜອງຂອບເຂດອຳນາດທີ່ໃຫຍ່ກວ່າເກົ່າໃຫ້ແກ່ກົມການຄຸ້ມຄອງຫຼັກຊັບແລະຕະຫຼາດເອີລົບ,ແລະມີຜົນດີຕໍ່ການຍົກສູງຄວາມໂປ່ງໃສຂອງການຄ້າດ້ານການເງິນ. ກົດໝາຍໄດ້ເກືອດຫ້າມ "ການກະທຳທີ່ມີການຊື້ຂາຍທີ່ລະເມີດສັນຍາສິນເຊື່ອໝົດ".ຖ້າຫາກຈັດຕັ້ງປະຕິບັດກົດໝາຍດັ່ງກ່າວ,ອົງການການເງິນກໍ່ຈະບໍ່ສາມາດດຳເນີນການຊື້ຂາຍກັນທີ່ບໍ່ຢູ່ໃນຂອບເຂດສັນຍາສິນເຊື່ອພາຍໃຕ້ສະພາບການທີ່ບໍ່ມີໜີ້ສິນພາກລັດຂອງເກຼັກຫຼືອີຕາລີ,ການຊື້ຂາຍແບບນີ້ເຫັນວ່າແມ່ນການກະທຳທີ່ສວຍໂອກາດຂອງໜີ້ສິນພາກລັດທີ່ກ່ຽວຂ້ອງ.
ມື້ດຽວກັນ,ສະພາເອີລົບຍັງໄດ້ຮັບຮອງຜ່ານມະຕິຕົກລົງສະບັບໜຶ່ງ,ຮຽກຮ້ອງໃຫ້ປະເທດຕ່າງໆຂອງສະຫະພາບເອີລົບເພີ່ມທະວີການຮ່ວມມື,ປະສານສົມທົບກັນໃນການຕອບຕ້ານການຫຼິ້ນພະນັນທາງອິນເຕີເນັດ.
