ໃນກອງປະຊຸມຂ່າວທີ່ຈັດຂຶ້ນໃນວັນທີ16ພະຈິກນີ້, ທ່ານລິວເວີຍມີນ, ໂຄສົກກະຊວງການຕ່າງປະເທດຈີນກ່າວວ່າ, ຈີນສະແດງຄວາມຍ້ອງຍໍຊົມເຊີຍຕໍ່ຣັດເຊຍແລະອາເມລິກາທີ່ເຂົ້າຮ່ວມກອງປະຊຸມສຸດຍອດອາຊີຕາເວັນອອກຢ່າງເປັນທາງການໃນປີນີ້.
ໃນຖານະເປັນຮູບແບບການຮ່ວມມືໃໝ່ໃນພາກພື້ນອາຊີຕາເວັນອອກ,ກອງປະຊຸມສຸດຍອດອາຊີຕາເວັນອອກຈະສຸມກໍາລັງເຂົ້າໃນການຊຸກຍູ້ຂະບວນການອາຊີຕາເວັນອອກເຊື່ອມໂຍງເຂົ້າເປັນອັນໜຶ່ງອັນດຽວກັນ, ບັນລຸເປົ້າໝາຍປະຊາຄົມອາຊີຕາເວັນອອກ. ເຂົ້າຮ່ວມກອງປະຊຸມສຸດຍອດອາຊີຕາເວັນອອກຄັ້ງນີ້ລວມມີ10ປະເທດອາຊຽນ, ຈີນ, ຍີ່ປຸ່ນ, ສ. ເກົາຫລີ, ອິນເດຍ, ອົສຕຼາລີແລະນູແວນເຊລັງ. ສ່ວນອາເມລິກາແລະຣັດເຊຍເປັນປະເທດສະມາຊິກໃນກອງປະຊຸມສຸດຍອດເປັນເທື່ອທໍາອິດໃນປີນີ້, ກົນໄກກອງປະຊຸມສຸດຍອດອາຊີຕາເວັນອອກໄດ້ຂະຫຍາຍກວ້າງອອກເປັນ10+8.
