ມູນຄ່າການສົ່ງອອກຜະລິດຕະພັນແຜ່ນແພຂອງຫວຽດນາມໃນປີນີ້ອາດຈະບັນລຸເປົ້າໝາຍຫຼາຍກວ່າ13ຕື້ໂດລາ
(GMT+08:00) 2011-11-16 18:21:20 cri
ຕາມຂ່າວສານຊິນຮວາ:ຕາມສະຖິຕິຫຼ້າສຸດຂອງສະພາອຸດສາຫະກຳແຜ່ນແພຫວຽດ ນາມສະແດງໃຫ້ເຫັນວ່າ,ມູນຄ່າການສົ່ງອອກຜະລິດຕະພັນແຜ່ນແພຂອງຫວຽດນາມໃນ10ເດືອນຂອງປີນີ້ມີເຖິງ11ຕື້700ລ້ານໂດລາ,ຕາມທ່າອຽງໃນປະຈຸບັນນີ້,ມູນຄ່າການສົ່ງອອກຜະລິດຕະພັນແຜ່ນແພໃນປີນີ້ຈະຫຼາຍກວ່າ13ຕື້ໂດລາ.
ສະພາອຸດສາຫະກຳແຜ່ນແພຫວຽດນາມກ່າວວ່າ,ປະຈຸບັນນີ້,ອາເມລິກາແລະສະຫະພາບເອີຣົບຍັງແມ່ນຕະຫຼາດສົ່ງອອກຜະລິດຕະພັນແຜ່ນແພຕົ້ນຕໍຂອງຫວຽດນາມ,ສ່ວນຕະຫຼາດຂອງຍີ່ປຸ່ນ,ຣັດເຊຍ,ເຂດຕາເວັນອອກກາງແລະເຂດອາຊີປາຊິຟິກມີທ່າແຮງບົ່ມຊ້ອນຢ່າງຫຼວງຫຼາຍ.
