ກອງປະຊຸມສຸດຍອດອາຊຽນຈະເຜີຍແຜ່ "ຖະແຫຼງການບາຫຼີ",ເພື່ອເພີ່ມທະວີການຮ່ວມມືກັບສະຫະປະຊາຊາດ
(GMT+08:00) 2011-11-16 18:24:46 cri
ຕາມຂ່າວສານຈີນ:ວັນທີ16ພະຈິກນີ້,ຢູ່ເກາະບາຫຼີ,ທ່ານໂຈຮາຣີ ໂອຣັດມານກຸນ,ຫົວໜ້າກົມການຮ່ວມມືກັບອາຊຽນຂອງກະຊວງການຕ່າງປະເທດອິນໂດເນເຊຍກ່າວວ່າ,ອາຊຽນ ຈະເພີ່ມທະວີການພົວພັນແລະຮ່ວມມືກັບສະຫະປະຊາຊາດໃນດ້ານຄວາມປອດໄພ,ການເມືອງ,ເສດຖະກິດ,ແລະວັດທະນະທຳສັງຄົມ.
ຕາມຂ່າວແຈ້ງວ່າ,ກອງປະຊຸມສຸດຍອດອາຊຽນຄັ້ງທີ19ທີ່ຈະໄຂຂຶ້ນໃນວັນທີ17ພະຈິກນີ້ຈະເຜີຍແຜ່"ຖະແຫຼງການບາຫຼີ".ທ່ານບານກີມູນ,ເລຂາທິການໃຫຍ່ສະຫະປະຊາຊາດຈະມາເຂົ້າຮ່ວມກອງປະຊຸມສຸດຍອດອາຊຽນຄັ້ງນີ້,ແລະຫວັງຢາກລົງເລິກການພົວພັນລະຫວ່າງອາຊຽນກັບສະຫະປະຊາຊາດໃຫ້ກາຍເປັນການພົວພັນຄູ່ຮ່ວມມືຮອບດ້ານ,ແລະມີຂອບເຂດການຮ່ວມມືທີ່ກວ້າງຂວາງກວ່າເກົ່າ.
