ວັນທີ16ພະຈິກນີ້,ທ່ານເສິນຕ່ານຢາງ,ໂຄສົກກະຊວງການຄ້າຈີນກ່າວວ່າ,ການຄ້າກັບຕ່າງປະເທດຂອງຈີນໄດ້ບັນລຸຄວາມໝັ້ນທ່ຽງໃນຂັ້ນພື້ນຖານ,ບາງປະເທດມີຕຳໜິຕໍ່ອັດຕາແລກປ່ຽນເງິນຢວນຈີນໂດຍບໍ່ມີຫຼັກອ້າງອີງ,ທັງບໍ່ມີເຫດມີຜົນ.
ທ່ານເສິນຕ່ານຢາງກ່າວວ່າ,ແຕ່ເດືອນມັງກອນຫາເດືອນຕຸລາປີນີ້,ການໄດ້ປຽບດຸນການຄ້າຂອງຈີນໄດ້ຫຼຸດລົງຕື່ມອີກ,ກວມປະມານ1,4%ຂອງລວມຍອດຜະລິດຕະພັນພາຍໃນຫຼືGDPຂອງຈີນ,ການຄ້າກັບຕ່າງປະເທດ ເຊິ່ງລວມທັງການຄ້າກັບອາເມລິກາແມ່ນຢູ່ໃນສະພາບທີ່ມີຄວາມສະໝ່ຳສະເໝີກັນໃນຂັ້ນພື້ນຖານ.
ທ່ານກ່າວວ່າ,ພາຍໃຕ້ສະພາບການທີ່ເງິນຢວນຈີນແຂງຄ່າຂຶ້ນຢ່າງບໍ່ຢຸດຢັ້ງ,ການໄດ້ປຽບດຸນ ການຄ້າຂອງຈີນຕໍ່ອາເມລິກາບໍ່ໄດ້ຫຼຸດລົງແຕ່ພັດເພີ່ມຂຶ້ນ,ສາເຫດສຳຄັນອາດຈະມີສອງອັນ,ຄື ໜຶ່ງ,ແມ່ນໂຄງປະກອບເສດຖະກິດຂອງອາເມລິກາໄດ້ເກີດມີບັນຫາ;ສອງແມ່ນອາເມລິກາໄດ້ໃຊ້ມາດຕະການແບບຈຳກັດແລະຈຳແນກຕໍ່ຜະລິດຕະພັນທີ່ສົ່ງອອກໃຫ້ຈີນ.
