ທ່ານຫຼີເຄິ້ຊຽງກ່າວວ່າຈີນຈະຮັບເອົາທັດສະນະແລະບົດຮຽນທີ່ດີໃນການຄຸ້ມຄອງແລະອະນຸລັກສິ່ງແວດລ້ອມຈາກຕ່າງປະເທດມານຳໃຊ້
(GMT+08:00) 2011-11-17 11:27:28 cri
ວັນທີ16ພະຈິກນີ້,ຢູ່ທີ່ນະຄອນຫຼວງປັກກິ່ງ,ທ່ານຫຼີເຄີ້ຊຽງ,ຮອງນາຍົກລັດ ຖະມົນຕີຈີນກ່າວວ່າ,ໃນ5 ປີຕໍ່ຫນ້ານີ້,ຈີນຈະບັນລຸການພັດທະນາເສດຖະກິດຢ່າງຫມັ້ນທ່ຽງແລະໄວສົມຄວນໃນການປ່ຽນແປງຮູບການພັດທະນາແລະປະດິດສ້າງໃຫມ່,ເພື່ອຊຸກຍູ້ການສ້າງສາອາລິຍະທຳດ້ານຊີວະພາບ.
ທ່ານຫຼີເຄິ້ຊຽງໄດ້ກ່າວຄວາມເວົ້ານີ້ໃນກອງປະຊຸມປະຈຳປີ2011ຂອງ ຄະນະກຳມະການການຮ່ວມມືສາກົນທາງດ້ານສິ່ງແວດລ້ອມແລະການພັດທະນາຂອງຈີນ.ທ່ານກ່າວວ່າ,ການອະນຸລັກສິ່ງແວດລ້ອມແມ່ນພາລະກິດຮ່ວມຂອງມວນມະນຸດ,ຈີນຈະເຂົ້າຮ່ວມການຮ່ວມມືດ້ານສິ່ງແວດລ້ອມສາກົນດ້ວຍທ່າທີທີ່ມີຄວາມຮັບຜິດຊອບ, ຮັບເອົາທັດສະນະແລະບົດຮຽນທີ່ດີໃນການຄຸ້ມຄອງແລະອະນຸລັກສິ່ງແວດລ້ອມຈາກຕ່າງປະເທດມານຳໃຊ້ເພື່ອຊຸກຍູ້ການສ້າງສາອາລິຍະທຳຊີວະພາບໃຫ້ດີກວ່າເກົ່າ.
ທ່ານຫຼີເຄິ້ຊຽງກ່າວວ່າ,ການຮັບມືກັບການປ່ຽນແປງຂອງດິນຟ້າອາກາດຂອງທົ່ວໂລກຢ່າງຕັ້ງຫນ້ານັ້ນແມ່ນມາດຕະການທາງດ້ານຍຸດທະສາດໃນການພັດທະນາເສດຖະກິດສັງຄົມຂອງຈີນ.ຈີນຍິນດີສືບຕໍ່ຮ່ວມກັບປະຊາຄົມໂລກ,ເພື່ອຊຸກຍູ້ໃຫ້ກອງປະຊຸມການປ່ຽນແປງຂອງດິນຟ້າອາກາດ"ເດິບັນ"ທີ່ຈະຈັດຂຶ້ນໃນໄວໆນີ້ຈະໄດ້ຮັບຜົນສຳເລັດທີ່ດີ,ແລະທຳການປະກອບສ່ວນໃຫມ່ເຂົ້າໃນພາລະກິດການພັດທະນາແບບຍືນຍົງ.
