ວັນທີ16 ພະຈິກນີ້,ທ່ານມາລີໂອ ມອນທີ,ນາຍົກລັດຖະມົນຕີລັດຖະບານຊົ່ວຄາວຂອງອີຕາລີໄດ້ສຳເລັດພິທີສາບານຕົວຂຶ້ນຮັບຕຳແຫນ່ງແລະມອບຮັບອຳນາດ,ໃນການເຂົ້າບໍລິຫານວຽກງານຂອງລັດຖະບານ.
ມື້ດຽວກັນ,ທ່ານມອນທີໄດ້ປະກາດບັນຊີລາຍຊື່ຂອງສະມາຊິກຄະນະລັດຖະບານ,ລັດຖະມົນຕີທັງຫມົດລ້ວນແຕ່ແມ່ນຜູ່ຊ່ຽວຊານ,ບໍ່ໄດ້ແຕ່ງຕັ້ງບຸກຄົນທາງການເມືອງຂອງພັກຝ່າຍຕ່າງໆ,ຫຼັງຈາກນັ້ນ,ສະມາຊິກຄະນະລັດຖະບານຊຸດໃຫມ່ໄດ້ຈັດພິທີສາບານຕົວຢູ່ທີ່ທຳນຽບປະທານາທິບໍດີ.
ຕອນຄ່ຳວັນທີ16ພະຈິກນີ້,ທ່ານລູຄັສ ພາພາເດມົສ,ນາຍົກລັດຖະມົນຕີລັດ ຖະບານປະສົມຂອງເກຼັກໄດ້ເລີ່ມຈັດການເຈລະຈາກັບຂະແຫນງການທະນາ ຄານກ່ຽວກັບການຫຼຸດຫນີ້ສິນໃຫ້ຫນ້ອຍລົງ,ເພື່ອຈັດຕັ້ງປະຕິບັດສັນຍາຊ່ອຍເຫຼືອສະບັບໃຫມ່ທີ່ຜູ່ນຳຂອງປະເທດເຂດໃຊ້ເງິນເອີໂຣໄດ້ຕົກລົງກັນໃນວັນທີ27 ເດືອນຜ່ານມາ.ທຳນຽບນາຍົກລັດຖະມົນຕີເກຼັກໄດ້ອອກຖະແຫຼງການໂດຍຂຽນວ່າ,ຕອນຄ່ຳມື້ດຽວກັນ,ຫຼັງຈາກທ່ານພາພາເດມົສໄດ້ຮັບຄວາມໄວ້ວາງໃຈຈາກສະພາ,ກໍ່ໄດ້ດຳເນີນການເຈລະຈາກັບທ່ານຈາເລັສ ດາລາຣາ,ຫົວຫນ້າຄະນະບໍລິຫານຂອງສະມາຄົມການເງິນສາກົນກ່ຽວກັບຂະແຫນງການທະນາຄານການຫຼຸດຫນີ້ສິນຂອງເກຼັກໃຫ້ຫນ້ອຍລົງ 50%.
