ແຕ່ເດືອນມັງກອນຫາເດືອນຕຸລາປີນີ້ ຈີນນຳໃຊ້ທຶນຕ່າງປະເທດເພີ່ມຂຶ້ນ15,86%,ໃນນັ້ນ,ທຶນຈາກອາເມລິກາຫຼຸດໜ້ອຍລົງຢ່າງຫຼວງຫຼາຍ
(GMT+08:00) 2011-11-17 15:55:25 cri
ຕາມຂ່າວສານຊິນຮວາລາຍງານວ່າ: ຕາມຕົວເລກທີ່ກະຊວງການຄ້າຈີນເປີດເຜີຍໃນວັນທີ16ພະຈິກນີ້ສະແດງໃຫ້ເຫັນວ່າ,ແຕ່ເດືອນມັງກອນຫາເດືອນຕຸລາປີນີ້,ຈີນນຳໃຊ້ທຶນຕ່າງປະເທດໃນຕົວຈິງມີຈຳນວນ95ຕື້12ລ້ານໂດລາ,ເພີ່ມຂຶ້ນຫຼາຍກວ່າໄລຍະດຽວກັນຂອງປີກາຍ15,86%.ເບິ່ງຈາກດ້ານແຫຼ່ງທຶນຕ່າງປະເທດແລ້ວ,ປະເທດທີ່ສຳຄັນໃນອາຊີໄດ້ເຂົ້າລົງທຶນຢູ່ຈີນເພີ່ມຂຶ້ນຢ່າງຫຼວງຫຼາຍ,ສ່ວນສະຫະພາບເອີລົບແມ່ນເພີ່ມຂຶ້ນເລັກໜ້ອຍ,ນັກທຸລະກິດອາເມລິກາລົງທຶນຢູ່ຈີນຫຼຸດລົງຕື່ມອີກຢ່າງຫຼວງຫຼາຍ.
ແຕ່ເດືອນມັງກອນຫາເດືອນຕຸລາປີນີ້,10ປະເທດແລະເຂດແຄວ້ນໃນອາຊີຄືຮົງກົງ,ມາກາວ,ໄຕ້ຫວັນ,ຍີ່ປຸ່ນ,ຟີລິບປິນ,ໄທ,ມະເລເຊຍ,ສິງກະໂປ,ອິນໂດເນເຊຍແລະສ.ເກົາຫຼີໄດ້ລົງທຶນຢູ່ຈີນຈຳນວນ81ຕື້896ລ້ານໂດລາ,ເພີ່ມຂຶ້ນຫຼາຍກວ່າໄລຍະດຽວກັນຂອງປີກາຍ20,67%,ສ່ວນອາເມລິກາລົງທຶນ2ຕື້567ລ້ານໂດລາ,ເມື່ອທຽບໃສ່ໄລຍະດຽວກັນຂອງປີກາຍແລ້ວໄດ້ຫຼຸດລົງ18,13%.
