ອີຣານຄັດຄ້ານທຸກອິດທິກຳລັງຕ່າງປະເທດເຂົ້າແຊກແຊງວຽກງານພາຍໃນຂອງຊີຣີ
(GMT+08:00) 2011-11-17 16:13:10 cri
ທ່ານອາລີ ອັກບາ ຊາເລຮີ ລັດຖະມົນຕີວ່າການກະຊວງການຕ່າງປະເທດອີຣານກ່າວໃນວັນທີ16ພະຈິກນີ້ວ່າ,ອີຣານຄັດຄ້ານທຸກອິດທິກຳລັງຕ່າງປະເທດເຂົ້າແຊກແຊງວຽກງານພາຍໃນຂອງຊີຣີບໍ່ວ່າຈະໃຊ້ຮູບການໃດໆກໍ່ຕາມ.
ທ່ານຊາເລຮີກ່າວເນັ້ນເຖິງຄວາມສຳຄັນໃນການແກ້ໄຂວິກິດການຊີຣີດ້ວຍວິທີທາງການທູດ.ທ່ານກ່າວວ່າ,ຊີຣີມີທີ່ຕັ້ງຍຸດທະສາດອັນສຳຄັນໃນພາກພື້ນນີ້,ການປຶກສາຫາລືແລະສົນທະນາກັນມີຄວາມສຳຄັນຫຼາຍຕໍ່ການແກ້ໄຂວິກິດການໃນປະຈຸບັນ.ອີຣານຍິນດີໃຊ້ມາດຕະການອັນຈຳເປັນເພື່ອຊ່ວຍຊີຣີແກ້ໄຂວິກິດການໃນປະຈຸບັນ.
ມື້ດຽວກັນ,ທ່ານໂມຮາເມັດ ຈາວັດ ລາຣີຈານີປະທານຄະນະກຳມະການສິດທິມະນຸດອີຣານກ່າວວ່າ,ອີຣານຄັດຄ້ານການແຊກແຊງວຽກງານພາຍໃນຂອງຊີຣີທາງການທະຫານ,ແລະອີຣານຈະສືບຕໍ່ອອກແຮງຈົນສຸດຄວາມສາມາດໃນການສະໜັບສະໜູນຊີຣີ.
