ທ່ານອັບບາສກ່າວເນັ້ນວ່າປາແລັສຕິນຈະສືບຕໍ່ສະແຫວງຫາການເຂົ້າເປັນສະມາຊິກຂອງອົງການສະຫະປະຊາຊາດ
(GMT+08:00) 2011-11-17 16:17:20 cri
ທ່ານມູບາຣັກ ໂມຮາເມັດ ອັບບາສ ປະທານອົງການອຳນາດແຫ່ງຊາດປາແລັສຕິນກ່າວເນັ້ນໃນວັນທີ16ພະຈິກນີ້ວ່າ,ປາແລັສຕິນຈະສືບຕໍ່ສະແຫວງຫາການເຂົ້າເປັນປະເທດສະມາຊິກສົມບູນຂອງອົງການສະຫະປະຊາຊາດ.
ມື້ດຽວກັນ,ໃນເວລາເຂົ້າຮ່ວມງານໂຮມຊຸມນຸມລະລຶກທ່ານຢັດເຊີ ອາຣາຟັດ ອະດີດຜູ່ນຳປາແລັສຕິນເຖິງແກ່ມໍລະນະກຳຄົບຮອບ7ປີທີ່ຈັດຂຶ້ນຢູ່ເມືອງລາມາລາ ທີ່ຢູ່ຝັ່ງຕາເວັນຕົກແມ່ນ້ຳຈໍແດນ,ທ່ານອັບບາສກ່າວວ່າ,ປາແລັສຕິນຈະປຶກສາຫາລືກັບບັນດາປະເທດໃນໂລກອາຣັບແລະປະເທດທີ່ສະໜັບສະໜູນປາແລັສຕິນເຂົ້າເປັນສະມາຊິກຂອງອົງການສະຫະປະຊາຊາດເພື່ອຄົ້ນຄວ້າແຜນການໃນຂັ້ນຕໍ່ໄປກ່ຽວກັບເຂົ້າເປັນສະມາຊິກຂອງອົງການສະຫະປະຊາຊາດ.
