ສັນນິບາດອາຣັບຮຽກຮ້ອງໃຫ້ຊີຣີລົງນາມໃນສັນຍາກ່ຽວກັບການອະນຸມັດໃຫ້ສັນນິບາດອາຣັບສົ່ງຄະນະສັງເກດການເຂົ້າໄປຊີຣີພາຍໃນ3ວັນ
(GMT+08:00) 2011-11-17 17:24:05 cri
ກອງປະຊຸມສະໄໝວິສາມັນຂອງລັດຖະມົນຕີການຕ່າງປະເທດສັນນິບາດອາຣັບທີ່ຈັດຂຶ້ນໃນວັນທີ16ພະຈິກນີ້ຢູ່ນະຄອນຫຼວງຣາບັດຂອງມາຣົກໄດ້ຢືນຢັນຢ່າງເປັນທາງການວ່າຢຸດຕິສະຖານະພາບຄວາມເປັນປະເທດສະມາຊິກສັນນິບາດອາຣັບຂອງຊີຣີ,ແລະຮຽກຮ້ອງໃຫ້ລັດຖະບານຊີຣີລົງນາມໃນສັນຍາກ່ຽວກັບການອະນຸມັດໃຫ້ສັນນິບາດອາຣັບສົ່ງຄະນະສັງເກດການເຂົ້າໄປຊີຣີພາຍໃນ3ວັນ.
ມະຕິຕົກລົງຂອງກອງປະຊຸມແຈ້ງວ່າ,ສັນນິບາດອາຣັບຈະສົ່ງຄະນະສັງເກດການໄປຊີຣີເພື່ອສຳຫຼວດແລະຕິດຕາມການປະຕິບັດຂໍ້ລິເລີ່ມອາຣັບທີ່ສະເໜີໂດຍສັນນິບາດອາຣັບກ່ອນໜ້ານີ້ເພື່ອແກ້ໄຂວິກິດການຊີຣີ,ແລະປົກປ້ອງປະຊາຊົນຊີຣີ.ສັນນິບາດອາຣັບໃຫ້ເວລາກຳນົດ3ວັນແກ່ຊີຣີເພື່ອລົງນາມໃນສັນຍາດັ່ງກ່າວ,ແລະພາຍຫຼັງຊີຣີຢຸດຕິການໃຊ້ຄວາມຮຸນແຮງທັງໝົດແລ້ວຈະແຕ່ງຕັ້ງຄະນະສັງເກດການໄປຊີຣີໃນທັນທີ.
