ວັນທີ16ພະຈິກນີ້, ທ່ານມານູເອວ ດູຣາວ ບາໂຣໂຊ, ປະທານຄະນະກໍາມາທິການສະຫະພາບເອີຣົບກ່າວວ່າ, ຈະສືບຕໍ່ຊຸກຍູ້ການປະຕິບັດຂອງພັນທະບັດເງິນເອີໂຣ.
ໃນກອງປະຊຸມສະພາທະວີບເອີຣົບທີ່ຈັດຂຶ້ນຢູ່ສຕັຼສບວກໃນມື້ດຽວກັນ, ທ່ານມານູເອວ ດູຣາວ ບາໂຣໂຊກ່າວຄໍາປາໄສວ່າ, ຄະນະກໍາມາທິການສະຫະພາບເອີຣົບຈະປະກາດປື້ມປົກຂຽວກ່ຽວກັບພັນທະບັດເງິນເອີໂຣໃນວັນທີ23ພະຈິກນີ້. ຜູ້ນໍາສະຫະພາບເອີຣົບຈະນໍາໃຊ້ມາດຕະການຕ່າງໆເພື່ອສະກັດກັ້ນການແຜ່ລາມຂອງວິກິດການໜີ້ສິນ, ພ້ອມກັນນັ້ນ, ຍັງຈະພະຍາຍາມຊຸກຍູ້ໃຫ້ເສດຖະກິດຟື້ນຕົວຄືນ, ລວມທັງການປັບປຸງການເງິນ, ການປັບປຸງອົງປະກອບເສດຖະກິດແລະເພີ່ມທະວີການຕິດຕາມຄຸ້ມຄອງເສດຖະກິດເປັນຕົ້ນ.
ໃນກອງປະຊຸມສໍາມະນາຂອງສະຖາບັນຄາໂຕຂອງວໍຊິງຕັນທີ່ຈັດຂຶ້ນໃນມື້ດຽວກັນ, ທ່ານໂຣເບີດ ໂຊເອວລິກ,ຜູ້ວ່າການທະນາຄານໂລກກ່າວວ່າ, ໃນທີ່ສຸດ, ການແກ້ໄຂວິກິດການການເງິນຕ້ອງຂຶ້ນຢູ່ກັບຈະສາມາດສ້າງພື້ນຖານແຫ່ງການເຕີບໂຕຂອງເສດຖະກິດໄດ້ຫລືບໍ່.
