ວັນທີ16ພະຈິກນີ້, ກະຊວງສາທາລະນະສຸກຈີນກ່າວວ່າ, ຜ່ານຈາກຄວາມພະຍາຍາມຢ່າງບໍ່ລົດລະເປັນເວລາ3ປີ, ໜ້າທີ່ການສ້າງສາຄືນໃໝ່ຫລັງໄພແຜ່ນດິນໄຫວທ້າງດ້ານລະບົບສາທາລະນະສຸກຂອງເຂດປະສົບໄພແຜ່ນດິນໄຫວເມືອງເວີ້ນຊວນແຂວງເສສວນຂອງຈີນໄດ້ສໍາເລັດໂດຍພື້ນຖານ. ມາຮອດປະຈຸບັນ, 97%ຂອງໂຄງການສ້າງສາຄືນໃໝ່ໄດ້ສ້າງສໍາເລັດແລະເລີ່ມນໍາໃຊ້ແລ້ວ.
ທ່ານເສີນຊ່ຽວຫົງ, ລັດຖະມົນຕີຊ່ວຍວ່າການກະຊວງສາທາລະນະສຸກຈີນກ່າວວ່າ, ເນື້ອທີ່ກໍ່ສ້າງຂອງອົງການສາທາລະນະສຸກການປິ່ນປົວພະຍາດຂອງເຂດປະສົບໄພແຜ່ນດິນໄຫວເວີ້ນຊວນໄດ້ຈາກ3ລ້ານ9ແສນກວ່າຕາແມັດກ່ອນໄພແຜ່ນດິນໄຫວເພີ່ມຂຶ້ນຮອດ5ລ້ານ8ແສນກວ່າຕາແມັດ,ຈໍານວນຕຽງນອນຄົນເຈັບຈາກ5ໝື່ນ6ພັນຕຽງເພີ່ມຂຶ້ນຮອດ7ໝື່ນ8ພັນຕຽງ, ລະບົບບໍລິການດ້ານສາທາລະນະສຸກການປິ່ນປົວພະຍາດຂອງເຂດປະສົບໄພໄດ້ສ້າງສໍາເລັດໂດຍພື້ນຖານ, ເຄືອຂ່າຍບໍລິການດ້ານສາທາລະນະສຸກປິ່ນປົວພະຍາດໃນຕົວເມືອງແລະຊົນນະບົດໄດ້ທົ່ວເຖິງກວ່າເກົ່າ. ມາຮອດປະຈຸບັນ, ນະຄອນແລະແຂວງທີ່ໃຫ້ການຊ່ວຍເຫລືອຕ່າງໆໄດ້ໜ່ວຍປິ່ນປົວພະຍາດໄປສູ່ເວີ້ນຊວນ, ໄດ້ໃຫ້ບໍລິການປິ່ນປົວ6ໝື່ນກວ່າເທື່ອຄົນ, ເຮັດໃຫ້ຄົນທີ່ເປັນພະຍາດຮ້າຍແຮງຕ່າງໆໃນເຂດປະສົບໄພໄດ້ຮັບການປິ່ນປົວຢ່າງທົ່ວເຖິງ, ຊຶ່ງໄດ້ຮັບການຍ້ອງຍໍຊົມເຊີຍຈາກປະຊາຊົນໃນເຂດປະສົບໄພ.
