ວັນທີ17ພະຈິກນີ້, ທ່ານຫວາງອີ້, ຫົວໜ້າຫ້ອງການວຽກງານໄຕ້ຫວັນສູນກາງພັກກອມມູນິດຈີນ, ຫ້ອງການວຽກງານໄຕ້ຫວັນລັດຖະບານຈີນກ່າວເນັ້ນວ່າ, "ຄວາມເຫັນທີ່ເປັນເອກະສັນກັນໃນປີ1992"ເປັນຄວາມເຫັນທີ່ປະຕິເສດບໍ່ໄດ້, ການພົວພັນລະຫວ່າງສອງຝັ່ງບໍ່ສາມາດຖອຍຫລັງ, ສັນຕິພາບຢູ່ຊ່ອງແຄບໄຕ້ຫວັນບໍ່ສູນສະຫລາຍ,ແລະບໍ່ສາມາດທໍາລາຍຄວາມຜາສຸກຂອງປະຊາຊົນລະຫວ່າງສອງຝັ່ງ.
ໃນເວລາເຂົ້າຮ່ວມພິທີໄຂສັບປະດາຈຸ່ງກິ່ງ-ໄຕ້ຫວັນຄັ້ງທີ3ທີ່ຈັດຂຶ້ນຢູ່ນະຄອນຈຸ່ງກິ່ງໃນມື້ດຽວກັນ, ທ່ານຫວາງອີ້ກ່າວວ່າ, ປະຈຸບັນ, ການພົວພັນລະຫວ່າງສອງຝັ່ງກໍາລັງກ່າວເຂົ້າສູ່ໄລຍະສໍາຄັນ, ການພົວພັນລະຫວ່າງສອງຝັ່ງໃນອະນາຄົດມີໂອກາດຫລາຍ, ແລະຈະປະເຊີນໜ້າກັບສິ່ງທ້າທາຍອັນຂ້ຽວຂາດ. ທ່ານກ່າວຢໍ້າວ່າ, "ຄວາມເຫັນທີ່ເປັນເອກະສັນກັນໃນປີ1992"ແມ່ນເງື່ອນໄຂໃນເມື່ອກ່ອນທີ່ສອງຝັ່ງດໍາເນີນການສົນທະນາແລະປຶກສາຫາລື, ແລະກໍ່ແມ່ນພື້ນຖານອັນສໍາຄັນທີ່ການພົວພັນລະຫວ່າງສອງຝັ່ງພັດທະນາໂດຍສັນຕິ.
