ເມື່ອບໍ່ດົນມານີ້,ລັດຖະບານໂອບາມາໄດ້ມີຫລາຍກິດຈະກໍາໃນດ້ານການຈັດສັນຍຸດທະສາດອາຊີປາຊີຟິກ.ຂ່າວສານຊິນຮວາໄດ້ພິມບົດຄວາມລົງພິມໃນວັນທີ17ພະຈິກນີ້ໂດຍຂຽນວ່າ, ໃນຍຸດທະສາດທີ່ອາເມລິກາ "ກັບຄືນ"ທະວີບອາຊີ, ອາເມລິກາຄວນປະຕິບັດດ້ວຍທ່າທີສະເໝີພາບແລະເຄົາລົບເຊິ່ງກັນແລະກັນຕໍ່ປະເທດຕ່າງໆໃນອາຊີ, ກາຍເປັນ "ຜູ້ຮ່ວມມື"ຂອງປະເທດອາຊີ.
ບົດຄວາມຂຽນວ່າ, ປະເທດອາຊີບໍ່ມັກໃຫ້ປະເທດໃດໃຊ້ຄ່ານິຍົມຂອງຕົນບັງຄັບໃຫ້ປະເທດອື່ນປະຕິບັດຕາມ, ແລະຍິ່ງບໍ່ມັກການທີ່ອາເມລິກາສ້າງການພົວພັນກັບອາຊີເປັນການພົວພັນທີ່"ເປັນຜູ້ນໍາພາແລະຜູ້ຖືກນໍາພາ".ປະເທດອາຊີລ້ວນແຕ່ມີຈຸດຢືນແລະມີຮູບແບບການກະທໍາຂອງຕົນ, ມີຄ່ານິຍົມແລະກົດເກນຂອງຕົນ, ອີງໃສ່ສະຕິປັນຍາຂອງຕົນ, ສາມາດແກ້ໄຂບັນຫາຕ່າງໆໄດ້. ປະເທດອາຊີຕ້ອງການ "ຜູ້ຮ່ວມມື"ທີ່ສະເໝີພາບ, ຈິງໃຈແລະມີຄວາມໄວ້ເນື້ອເຊື່ອໃຈເຊິ່ງກັນແລະກັນ, ຫາກບໍ່ແມ່ນຕ້ອງການ"ຜູ້ນໍາພາ"ຫລື "ຜູ້ຕັດສິນ".
