ມຽນມາໄດ້ຖືກຮັບຮອງໃຫ້ເປັນປະເທດປະທານຫມູນວຽນອາຊຽນປີ2014
(GMT+08:00) 2011-11-18 11:42:02 cri
ຕາມຂ່າວCRI: ວັນທີ17 ພະຈິກນີ້,ບັນດາຜູ່ນຳຂອງປະເທດຕ່າງໆທີ່ເຂົ້າຮ່ວມກອງປະຊຸມສຸດຍອດອາຊຽນຄັ້ງທີ19ໄດ້ເປັນເອກະສັນກັນເຫັນດີຮັບຮ້ອງ ໃຫ້ມຽນມາເປັນປະເທດປະທານຫມູນວຽນອາຊຽນໃນປີ2014..
ທ່ານມາຕີ ເນຕາເລກາວາ ,ລັດຖະມົນຕີວ່າການກະຊວງການຕ່າງປະເທດອິນໂດເນເຊຍໄດ້ປະກາດການຕົກລົງດັ່ງກ່າວໃນກອງປະຊຸມຂ່າວທີ່ຈັດຂຶ້ນໃນຕອນບ່າຍມື້ດຽວກັນ.ທ່ານກ່າວວ່າ,ນັບແຕ່ປີນີ້ເປັນຕົ້ນໄປ,ມຽນມາໄດ້ເລີ່ມດຳເນີນຂະບວນການທາງການເມືອງທີ່ບັນລຸຄວາມປອງດອງກັນຢູ່ພາຍໃນປະເທດ ແລະເປີດປະຕູຕໍ່ພາຍນອກ.ເທື່ອນີ້ອາຊຽນໄດ້ມອບຖານະປະເທດປະທານຫມູນວຽນປີ 2014 ໃຫ້ມຽນມາ,ນີ້ສະແດງໃຫ້ເຫັນວ່າທັງແມ່ນອາຊຽນຢືນຢັນການປະຕິຮູບຂະບວນການທາງການເມືອງຂອງມຽນມາ,ແລະກໍ່ເປັນຂີດຫມາຍສະແດງໃຫ້ເຫັນວ່ານະໂຍບາຍການປະຕິຮູບແລະເປີດປະຕູຕໍ່ພາຍນອກຂອງມຽນມາໄດ້ຮັບຫມາກຜົນຢ່າງແທ້ຈິງ.ເມື່ອຮອດເວລານັ້ນ,ມຽນມາຈະຈັດກອງປະຊຸມສຸດຍອດອາຊຽນແລະກອງປະຊຸມຕ່າງໆຂອງຜູ່ນຳອາຊີຕາເວັນອອກໃນນາມເປັນປະເທດປະທານຫມູນວຽນ.
ຕອນເຊົ້າວັນທີ17 ພະຈິກນີ້,ກອງປະຊຸມສຸດຍອດອາຊຽນຄັ້ງທີ19 ໄດ້ໄຂຂຶ້ນຢູ່ເກາະບາຫຼີຂອງອິນໂດເນເຊຍ,ທ່ານ ທ່ານຊຸຊີໂລ ບຳບັງ ຢຸດໂຮໂຢໂນ, ປະທານາທິບໍດີອິນໂດເນເຊຍ ເຊິ່ງເປັນປະທານປະເທດໝູນວຽນຂອງອາຊຽນ, ໄດ້ກ່າວຄຳປາໄສໃນພິທີໄຂງານວ່າ, ທ່ານກ່າວວ່າ, ກອງປະຊຸມສຸດຍອດເທື່ອນີ້ໄດ້ລົງເລິກປຶກສາຫາລືຫົວຂໍ້ຕ່າງໆເຊັ່ນ: ການສ້າງສາຂະບວນການເຊື່ອງໂຍງອາຊຽນເຂົ້າເປັນເປັນອັນຫນຶ່ງອັນດຽວກັນແລະອື່ນໆ.
