ຕອນຄ່ຳວັນທີ17 ພະຈິກນີ້ຕາມເວລາປັກກິ່ງ, ຍານອະວະກາດ "ເຊິນໂຈ່ວເລກ8"ຂອງຈີນໄດ້ກັບຄືນສູ່ຫນ້າດິນແລະລົງຈອດຢູ່ສະຖານທີ່ຢູ່ໃນເມືອງຊີຈີວາງແຫ່ງເຂດມົງໂກໃນຂອງຈີນຢ່າງປອດໄພ,ນີ້ເປັນຂີດຫມາຍສະແດງໃຫ້ເຫັນວ່າວຽກງານເຊື່ອມຕໍ່ເຂົ້າກັນຂອງຍານອະວະກາດຈີນສອງລຳເປັນຄັ້ງທຳອິດໄດ້ຮັບຜົນສຳເລັດຢ່າງຈົບງາມ.
ກ່ອນແລະຫຼັງເວລາ 19 ໂມງ 30 ນາທີຕອນຄ່ຳມື້ດຽວກັນ,ຍານອະວະກາດ "ເຊິນໂຈ່ວເລກ8"ຂອງຈີນໄດ້ລົງຈອດຫນ້າດິນຢ່າງປອດໄພຢູ່ສະຖານທີ່ສຳຄັນການລົງຈອດຂອງເມືອງຊີຈີວາງໃນເຂດມົງໂກໃນ.ຫຼັງຈາກນັ້ນ,ເຈົ້າຫນ້າທີ່ຮັບຜິດຊອບວຽກງານໂຄງການການບິນອະວະກາດໄດ້ນຳເອົາທາດອາກາດແລະຈຸລິນຊີແລະນຳເອົາເຄື່ອງອຸປະກອນທຳນຳໃຊ້ໃນການບົ່ມເພາະຊີວະນາໆພັນທີ່ນຳໃຊ້ຢ່າງທົ່ວໄປທີ່ຈີນກັບເຢຍລະມັນໄດ້ທົດລອງຮ່ວມກັນອອກຈາກທ້ອງຍານອະວະກາດ.ທ່ານຊາງວ້ານສວນ,ຜູ່ບັນຊາການໃຫຍ່ກິດຈະການການບິນອະວະກາດບັນທຸກມະນຸດຂອງຈີນໄດ້ປະກາດວ່າ, ວຽກງານຍານອະວະກາດ"ທ່ຽນກົ່ງເລກ1"ແລະ"ເຊິນໂຈ່ວເລກ8"ທີ່ເຊື່ອມຕໍ່ເຂົ້າກັນໄດ້ຮັບຜົນສຳເລັດເປັນຢ່າງດີ.
ຕອນຂ້ອນແຈ້ງວັນທີ1 ພະຈິກນີ້,ຍານອະວະກາດ "ເຊິນໂຈ່ວເລກ8"ໄດ້ຖືກ ຍິງສົ່ງຂຶ້ນສູ່ອະວະກາດຢ່າງສຳເລັດຜົນຢູ່ທີ່ສູນສົ່ງດາວທຽມຈິວຊວນແຂວງກັ່ນຊູ່,ຫຼັງຈາກນັ້ນ, ຍານອະວະກາດ "ເຊິນໂຈ່ວເລກ8"ໄດ້ເຊື່ອມຕໍ່ເຂົ້າກັນກັບຍານອະວະ ກາດ"ທ່ຽນກົ່ງເລກ1"ທີ່ເປັນຍານບິນເປົ້າຫມາຍລຳທຳອິດຂອງຈີນທີ່ຫມູນເດີນຕາມວົງໂຄຈອນຢ່າງສຳເລັດຜົນເຖິງສອງເທື່ອ,ເພື່ອເປີດເສັ້ນທາງໃຫ້ແກ່ສະຖານີອະວະກາດຕົນເອງຂອງຈີນກ່ອນແລະຫຼັງປີ 2020.
