ຈີນຍິນດີຮ່ວມມືກັບປະເທດຕ່າງໆໃນໂລກໃນດ້ານການບິນອະວະກາດ
(GMT+08:00) 2011-11-18 17:19:01 cri
ທ່ານຫວາງຈ້າວຢ້າວ ຮອງຫົວໜ້າຫ້ອງການໂຄງການການບິນອະວະກາດບັນທຸກມະນຸດຂອງຈີນກ່າວໃນງານຖະແຫຼງຂ່າວຂອງຄະນະລັດຖະບານຈີນໃນວັນທີ18ພະຈິກນີ້ວ່າ,ຈີນຍິນດີຮ່ວມມືກັບປະເທດຕ່າງໆໃນໂລກໃນຂົງເຂດການບິນອະວະກາດ.
ທ່ານຫວາງຈ້າວຢ້າວກ່າວວ່າ,ການພັດທະນາດ້ານເຕັກນິກການບິນອະວະກາດບັນທຸກມະນຸດຂອງຈີນຍັງບໍ່ທັນສຸກງອມເທື່ອ,ການທົດລອງທັງສອງເທື່ອທີ່ສຳເລັດຜົນນັ້ນຍັງບໍ່ສາມາດປ່ຽນແປງສະພາບການບິນອະວະກາດສາກົນ.ໃນການພັດທະນາການບິນອະວະກາດ,ຈີນໄດ້ຍຶດໝັ້ນຄວາມເປັນເຈົ້າຕົນເອງ,ແລະສ້າງຄວາມເຂັ້ມແຂງດ້ວຍຕົນເອງມາໂດຍຕະຫຼອດ.ພັດທະນາເຕັກນິກການບິນອະວະກາດບັນທຸກມະນຸດຢ່າງເປັນເຈົ້າຕົນເອງ,ກໍ່ສ້າງສະຖານີອະວະກາດບັນທຸກມະນຸດ,ນຳໃຊ້ອະວະກາດຢ່າງຂະໜາດໃຫຍ່,ຈຸດປະສົງຕົ້ນຕໍແມ່ນເພື່ອກຳໄດ້ເຕັກນິກພື້ນຖານທາງດ້ານການບິນອະວະກາດບັນທຸກມະນຸດເພື່ອພັດທະນາແລະນຳໃຊ້ຊັບພະຍາກອນອະວະກາດເຂົ້າໃນທາງສັນຕິພາບ,ສ້າງຄວາມຜາສຸກໃຫ້ແກ່ມວນມະນຸດ.ແຕ່ການພັດທະນາຢ່າງເປັນອິດສະຫຼະບໍ່ໄດ້ໝາຍຄວາມວ່າຈະພັດທະນາດ້ວຍຕົນເອງເທົ່ານັ້ນ,ຈີນຍິນດີຮ່ວມມືແລະແລກປ່ຽນບົດຮຽນກັບບັນດາປະເທດໃນໂລກ.
ໄລຍະຕົ້ນໃນການປະຕິບັດໜ້າທີ່ໃຫ້ຍານອະວະກາດທ່ຽນກົ່ງເລກ1ເຊື່ອມຕໍ່ກັບຍານອະວະກາດເສິນໂຈ່ວເລກ8,ຈີນໄດ້ດຳເນີນການຮ່ວມມືແລະແລກປ່ຽນບົດຮຽນຢ່າງມີປະສິດທິຜົນກັບປະເທດຕ່າງໆເຊັ່ນຣັດເຊຍ,ເຢຍລະມັນ,ຝະຣັ່ງແລະປະເທດອື່ນໆ.
