ລັດຖະບານຊຸດໃໝ່ຂອງອີຕາລີໄດ້ຜ່ານໃນການປ່ອນບັດໄວ້ວາງໃຈຕໍ່ສະພາສູງ
(GMT+08:00) 2011-11-18 20:19:36 cri
ຕາມຂ່າວສານຊິນຮວາລາຍງານວ່າ: ວັນທີ17ພະຈິກນີ້,ສະພາສູງອີຕາລີໄດ້ປ່ອນບັດໄວ້ວາງໃຈຕໍ່ຄະນະລັດຖະບານຂອງທ່ານມາຣີໂອ ມອນຕີ ດ້ວຍຄະແນນສຽງເຫັນດີ281ບັດແລະບໍ່ເຫັນດີ25ບັດ,ໃນສະພາສູງຂອງອີຕາລີ ມີທັງໝົດ322ບ່ອນນັ່ງ,ລັດຖະບານມອນຕີໄດ້ບ່ອນນັ່ງໃນສະພາເປັນສ່ວນຫຼາຍ,ຈາກນີ້ໄປ,ຄະນະລັດຖະບານຂອງທ່ານມອນຕີຈະລໍຄອຍຜົນການປ່ອນບັດໄວ້ວາງໃຈຂອງສະພາຕ່ຳຕື່ມອີກ.
ກ່ອນການປ່ອນບັດໄວ້ວາງໃຈ,ທ່ານມາຣີໂອ ມອນຕີໄດ້ປະກາດແຜນການດຳເນີນງານຂອງລັດຖະບານຢູ່ທີ່ສະພາສູງ.ທ່ານກ່າວວ່າ,ການຄວບຄຸມງົບປະມານຢ່າງເຂັ້ມງວດ,ການເຕີບໂຕທາງດ້ານເສດຖະກິດແລະສັງຄົມມີຄວາມຍຸດຕິທຳຈະເປັນພື້ນຖານຂອງວຽກງານລັດຖະບານ.ທ່ານກ່າວວ່າ,ປະຈຸບັນ,ອີຕາລີພວມປະເຊີນກັບສະຖານະພາບອັນຂ້ຽວຂາດຈາກວິກິດການໜີ້ສິນ,ຕ້ອງການມີຄຳຕອບທີ່ເຊັດເຈນແລະຈະແຈ້ງ,ແບ່ງປັນຄວາມເສຍສະຫຼະຜົນປະໂຫຍດຂອງຊົນຊັ້ນຕ່າງໆຢ່າງສົມເຫດສົມຜົນ.
