IMFຮຽກຮ້ອງໃຫ້ເຂດໃຊ້ເງິນເອີໂຣປະຕິບັດແຜນການແກ້ໄຂວິກິດການໜີ້ສິນໂດຍໄວ
(GMT+08:00) 2011-11-18 11:35:34 cri
ວັນທີ17ພະຈິກນີ້, ທ່ານແດວິດ ໂຮລີ, ໂຄສົກຂອງອົງການກອງທຶນສາກົນຫຼືIMFກ່າວວ່າ, ປະເທດຕ່າງໆຂອງເຂດໃຊ້ເງິນເອີໂຣຄວນປະຕິບັດແຜນການແກ້ໄຂວິກິດການໜີ້ສິນທີ່ບັນດາຜູ້ນຳເຂດໃຊ້ເງິນເອີໂຣມີຄວາມເຫັນເປັນເອກະສັນກັນໂດຍໄວ,ເພື່ອສ້າງຄວາມໝັ້ນໃຈດ້ານເສດຖະກິດແລະຕະຫຼາດໃຫ້ສູງຂຶ້ນ.
ມື້ດຽວກັນ, ໃນກອງປະຊຸມຖະແຫຼງຂ່າວຂອງອົງການກອງທຶນສາກົນຫຼືIMF,ທ່ານແດວິດ ໂຮລີກ່າວວ່າ, IMFມີຄວາມເປັນຫ່ວງຕໍ່ສະພາບການໃນປະຈຸບັນຂອງເຂດໃຊ້ເງິນເອີໂຣຫຼາຍແລະຮຽກຮ້ອງໃຫ້ປະເທດຕ່າງໆຂອງເຂດໃຊ້ເງິນເອີໂຣຄວນດຳເນີນງານຢ່າງຮີບດ່ວນໃນການປະຕິບັດແຜນການແກ້ໄຂວິກິດການ,ຍົກສູງປະສິດທິຜົນທາງດ້ານການຄຸ້ມຄອງ.
ທ່ານຍັງກ່າວວ່າ, ກ່ອນລັດຖະບານເກຼັກບໍ່ໄດ້ໃຫ້ຄຳໝັ້ນສັນຍາສືບຕໍ່ປະຕິບັດມາດຕະການຮັດແຄບການເງິນ, IMFຈະບໍ່ເບີກເງິນກູ້ຊ່ວຍເຫຼືອງວດທີ6ໃຫ້ແກ່ເກຼັກ.
ແຕ່ໃນມື້ດຽວກັນ,ໜ່ວຍງານສະຫະພາບເອີລົບປະຈຳເກຼັກໄດ້ອອກປະກາດແຈ້ງການໂດຍກ່າວວ່າ,ເກຼັກໄດ້ຮັບຄວາມຄືບໜ້າພໍສົມຄວນໃນການຮັກສາການໝູນເດີນທາງເສດຖະກິດຮັບປະກັນການເກັບພາສີຢ່າງມີປະສິດທິຜົນແລະການດຳເນີນງານຂອງການເງິນສາທາລະນະແລະຍົກສູງປະສິດທິຜົນທາງດ້ານການບໍລິຫານງານຂອງລັດຖະບານແລະດ້ານອື່ນໆ.
