ຕາມຂ່າວCRI, ຊຸດສໍາມະນາທິດສະດີແລະການປະຕິບັດຕົວຈິງທາງດ້ານການພັດທະນາຂອງປະເທດອາຊີໄດ້ໄຂຂຶ້ນຢູ່ແຂວງເສສວນຂອງຈີນໃນວັນທີ17ພະຈິກນີ້. ເຈົ້າໜ້າທີ່ລັດຖະບານ, ຊ່ຽວຊານ,ແລະນັກວິຊາການທີ່ມາຈາກ15ປະເທດສະມາຊິກຂອງກົນໄກສົນທະນາຮ່ວມມືອາຊີຫລືACD, ທັງໝົດ30ຄົນເຂົ້າຮ່ວມຊຸດສໍາມະນາຄັ້ງນີ້.
ຊຸດສໍາມະນາຄັ້ງມີມີຫົວຂໍ້ວ່າ "ການເຕີບໂຕຂອງກະສິກໍາແລະການພັດທະນາຂອງຊົນນະບົດ", ໄດ້ດໍາເນີນການແລກປ່ຽນແລະການສົນທະນາຢ່າງເລິກເຊິ່ງກ່ຽວກັບບັນຫາທີ່ປະເທດສະມາຊິກACDປະສົບໃນຂະບວນເສດຖະກິດກະສິກໍາເຕີບໂຕແລະຊົນນະບົດຫລຸດຜ່ອນຄວາມທຸກຍາກຢ່າງຕໍ່ເນື່ອງ.ຊຸດສໍາມະນາຄັ້ງນີ້ລວມທັງການສົນທະນາທີ່ມີຫົວຂໍ້ສະເພາະ, ການວິເຄາະຕົວຢ່າງ, ການສະແດງທາງວິດີໂອແລະການສໍາຫລວດຢູ່ສະໜາມ,ຖືການປະຕິບັດຕົວຈິງທາງດ້ານການຫລຸດຜ່ອນຄວາມທຸກຍາກແລະພັດທະນາຂອງແຂວງເສສວນເປັນຕົວຢ່າງ, ສະແດງໃຫ້ເຫັນຮູບແບບໃນການປະຕິບັດແລະຜົນສໍາເລັດຂອງນະໂຍບາຍຫລຸດຜ່ອນຄວາມທຸກຍາກແລະພັດທະນາຂອງຈີນ. ຊຸດສໍາມະນາຄັ້ງນີ້ໄດ້ເພີ່ມທະວີການແລກປ່ຽນແລະການຮ່ວມມືໃນຂົງເຂດການຫລຸກຜ່ອນຄວາມທຸກຍາກລະຫວ່າງຈີນກັບປະເທດສະມາຊິກACD.
