ຜູ້ນຳຈີນແລະອິນໂດເນເຊຍມີຄວາມເຫັນເປັນເອກະພາບກັນວ່າ, ບັນດາກອງປະຊຸມສຸດຍອດອາຊີຕາເວັນອອກຄັ້ງນີ້ບໍ່ຄວນປຶກສາຫາລືບັນຫາທາງດ້ານການເມືອງແລະຄວາມໝັ້ນຄົງທີ່ມີຄວາມຂັດແຍ່ງກັນ
(GMT+08:00) 2011-11-18 11:26:52 cri
ຕອນຄ່ຳວັນທີ17ພະຈິກນີ້, ຢູ່ເກາະບາຫຼີ, ທ່ານຫຼິວເຈິ້ນໝິນ ຜູ້ຊ່ວຍລັດຖະມົນຕີການຕ່າງປະເທດຈີນກ່າວວ່າ, ໃນການພົບປະທີ່ຈັດຂຶ້ນໃນມື້ດຽວກັນ, ທ່ານເວີ່ນເຈຍປາວ ນາຍົກລັດຖະມົນຕີຈີນ ກັບທ່ານຊູຊີໂລ ບຳບັງ ຢຸດໂຮໂຢໂນ ປະທານາທິບໍດີອິນໂດເນເຊຍມີຄວາມເຫັນເປັນເອກະພາບກັນວ່າ, ບັນດາກອງປະຊຸມສຸດຍອດອາຊີຕາເວັນອອກຄັ້ງນີ້, ບໍ່ຄວນປຶກສາຫາລືບັນຫາການເມືອງແລະຄວາມໝັ້ນຄົງທີ່ມີຄວາມຂັດແຍ່ງກັນ.
ພາຍຫຼັງເດີນທາງໄປຮອດເກາະບາຫຼີແລ້ວ, ທ່ານເວີ່ນເຈຍປາວ ໄດ້ດຳເນີນການເຈລະຈາກັບທ່ານຊູຊີໂລ ປະເທດປະທານໝູນວຽນອາຊຽນ ປະທານາທິບໍດີອິນໂດເນເຊຍ, ຜູ້ນຳສອງປະເທດໄດ້ມີຄວາມຮັບຮູ້ຄືກັນທີ່ສຳຄັນກ່ຽວກັບການຊຸກຍູ້ການຮ່ວມມືໃນພາກພື້ນອາຊີຕາເວັນອອກແລະການພົວພັນລະຫວ່າງສອງຝ່າຍ. ທ່ານຫຼິນເຈິ້ນໝິນກ່າວວ່າ:
ທ່ານເວີ່ນເຈຍປາວກ່າວວ່າ, ບັນຫາທະເລຈີນໃຕ້ແມ່ນບັນຫາລະຫວ່າງຈີນກັບບາງປະເທດທີ່ກ່ຽວຂ້ອງຂອງອາຊຽນ, ຄວນໃຫ້ປະເທດທີ່ກ່ຽວຂ້ອງໂດຍກົງເຈລະຈາກັນເພື່ອແກ້ໄຂບັນຫາ. ໃນປີ2002, ຈີນແລະອາຊຽນກໍໄດ້ລົງລາຍເຊັນໃນຖະແຫຼງການຮ່ວມວ່າດ້ວຍການປພຶດຂອງບັນດາຝ່າຍຢູ່ທະເລຈີນໃຕ້, ເດືອນກໍລະກົດປີນີ້, ກໍໄດ້ມີຄວາມເຫັນເອກະພາບກັນກ່ຽວກັບເຂັມທິດຊີ້ນຳໃນຖະແຫຼງການຮ່ວມວ່າດ້ວຍການປະພຶດຂອງບັນດາຝ່າຍຢູ່ທະເລຈີນໃຕ້. ທ່ານເວີ່ນເຈຍປາວກ່າວວ່າ, ຈີນຈະອອກແຮງພະຍາຍາມຮ່ວມກັນກັບປະເທດອາຊຽນ, ເພື່ອປຶກສາຫາລືແລະວາງຫຼັກມາດຖານວ່າດ້ວຍການປະພຶດຢູ່ທະເລຈີນໃຕ້, ນີ້ແມ່ນທ່ານເວີ່ນເຈຍປາວໄດ້ສົ່ງສັນຍາສຳຄັນແລະຕັ້ງໜ້າ ພາຍຫຼັງທ່ານເດີນທາງໄປຮອດເກາະບາຫຼີ. ໃນກອງປະຊຸມສຸດຍອດອາຊຽນຈີນ, ທ່ານເວີ່ນເຈຍປາວຍັງຈະກ່າວຄຳປາໄສສຳຄັນ ກ່ຽວກັບຈີນຈະອອກແຮງຮ່ວມກັນກັບປະເທດອ້ອມຂ້າງເຈລະຈາກັນເພື່ອແກ້ໄຂບັນຫາທະເລຈີນໃຕ້ແລະອອກແຮງຊຸກຍູ້ການປະຕິບັດຖະແຫຼງການຮ່ວມວ່າດ້ວຍການປະພຶດຂອງບັນດາຝ່າຍຢູ່ທະເລຈີນໃຕ້.
ທ່ານຫຼິນເຈິ້ນໝິນຍັງກ່າວວ່າ, ໃນລະຫວ່າງການພົບປະ, ທ່ານຊູຊີໂລກ່າວວ່າ, ຫວັງຢາກໃຫ້ບັນດາກອງປະຊຸມສຸດຍອດອາຊີຕາເວັນອອກສາມາດຮັກສາຄວາມສາມັກຄີ, ຫຼີກເວັ້ນການແຕກແຍກ, ສາມາດສືບຕໍ່ແລກປ່ຽນຄວາມເຫັນເພື່ອຊຸກຍູ້ການຮ່ວມມືທາງເສດຖະກິດຂອງອາຊີຕາເວັນອອກ, ບໍ່ປຶກສາຫາລືບັນຫາການເມືອງແລະຄວາມໝັ້ນຄົງທີ່ມີຄວາມຂັດແຍ່ງກັນ, ຍິ່ງບໍ່ຄວນປຶກສາຫາລືບັນຫາວິຊາການ, ເຊັ່ນບັນຫາທະເລຈີນໃຕ້. ຜູ້ນຳປະເທດອາຊຽນເຫັນດີນຳໂດຍຕະຫຼອດວ່າ, ກອງປະຊຸມຄັ້ງນີ້ບໍ່ຄວນປຶກສາຫາລືບັນຫາການເມືງແລະຄວາມໝັ້ນຄົງທີ່ມີຄວາມຂັດແຍ່ງກັນ.
