ວັນທີ 19 ພະຈິກນີ້, ກອງປະຊຸມສຸດຍອດອາຊີຕາເວັນອອກຄັ້ງທີ 6 ໄດ້ຈັດຂຶ້ນຢູ່ເກາະບາຫຼີຂອງອິນໂດເນເຊຍ, ຜູ້ນຳຫຼືຜູ້ຕາງໜ້າຂອງປະເທດອາຊຽນ, ຈີນ, ອາເມເລິກາ, ຣັດເຊຍ, ຍີ່ປຸ່ນ, ສ.ເກົາຫຼີ, ອິນເດຍ, ອົສຕຼາລີແລະນີວຊີແລງໄດ້ເຂົ້າຮ່ວມກອງປະຊຸມ.
ທ່ານເວີນເຈ່ຍປາວ, ນາຍົກລັດຖະມົນຕີຈີນໄດ້ເຂົ້າຮ່ວມກອງປະຊຸມ, ແລະຈະແລກປ່ຽນຄຳເຫັນກັບຝ່າຍຕ່າງໆຢ່າງເລິກເຊິ່ງກ່ຽວກັບການພັດທະນາໃນອະນາຄົດຂອງກອງປະຊຸມສຸດຍອດ, ສະຖານະການພາກພື້ນແລະສາກົນເປັນຕົ້ນ, ຮ່ວມກັນກັບຝ່າຍຕ່າງໆຊຸກຍູ້ກອງປະຊຸມສຸດຍອດດຳເນີນການຮ່ວມມືກັນເພື່ອໃຫ້ໄດ້ໝາກຜົນອັນຕັ້ງໜ້າໃນຂົງເຂດສຳຄັນເຊັ່ນການສຶກສາ, ການເງິນ, ພະລັງງານ, ສາທາລະ ນະສຸກ, ການບັນເທົາທຸກມໄພພິບັດ, ຈີນກໍ່ສະໜັບສະໜູນກອງປະຊຸມສຸດຍອດເພີ່ມທະວີການຮ່ວມມືໃນດ້ານເຊື່ອມຈອດກັນແລະການພົວພັນຄູ່ຮ່ວມມືເສດຖະກິດຮອບດ້ານອາຊີຕາເວັນອອກ.
ປີນີ້, ຣັດເຊຍແລະອາເມລິກາໄດ້ເຂົ້າເປັນພາຄີຂອງກອງປະຊຸມສຸດຍອດອາຊີຕາເວັນອອກຢ່າງເປັນທາງການ, ທ່ານບາຣັກ ໂອບາມາ, ປະທານາທິບໍດີອາເມລິກາໄດ້ເຂົ້າຮ່ວມກອງປະຊຸມເປັນຄັ້ງທຳອິດ.
