ຈີນໄທຍິນດີຮ່ວມກັນຮັກສາຄວາມໝັ້ນຄົງຂອງການເດີນເຮືອຢູ່ຕາມລຳແມ່ນ້ຳຂອງ
(GMT+08:00) 2011-11-19 14:47:57 cri
ວັນທີ 18 ພະຈິກນີ້, ທ່ານເວີນເຈ່ຍປາວ, ນາຍົກລັດຖະມົນຕີຈີນໄດ້ພົບປະກັບທ່ານນາງຍິ່ງລັກ ຊິນນະວັດ, ນາຍົກລັດຖະມົນຕີໄທຢູ່ເກາະບາຫຼີ.
ທ່ານເວີນເຈ່ຍປາວກ່າວວ່າ, ຈີນຍິນດີຮັກສາທ່າອຽງການຢ້ຽມຢາມເຊິ່ງກັນແລະກັນລະດັບສູງລະຫວ່າງຈີນໄທ, ເພີ່ມຄວາມໄວ້ເນື້ອເຊື່ອໃຈກັນທາງການເມືອງ, ເພີ່ມທະວີການວາງແຜນການແລະປະສານງານການຮ່ວມມືທີ່ມີລັກສະນະຍຸດທະສາດລະຫວ່າງປະເທດທັງສອງ, ຊຸກຍູ້ການເຊື່ອມຈອດກັນໃນພາກພື້ນ, ເພີ່ມທະວີການຮ່ວມມືໃນດ້ານປະຕິບັດກົດໝາຍທາງຄວາມໝັ້ນຄົງ, ປົກປັກຮັກສາຄວາມໝັ້ນຄົງແລະລະບຽບການຂອງການເດີນເຮືອຢູ່ຕາມລຳແມ່ນ້ຳຂອງ. ຈີນຍິນດີສືບຕໍ່ສະໜອງການຊ່ອຍເຫຼືອຕໍ່ການຕ້ານໄພແລະກູ້ໄພນ້ຳຖ້ວມຂອງໄທແລະວຽກງານສ້າງສາຄືນໃໝ່ຫຼັງໄພນ້ຳຖ້ວມ.
ທ່ານນາງຍິ່ງລັກ່າວວ່າ, ຈີນສະໜອງການຊ່ອຍເຫຼືອກູ້ໄພຢ່າງຫຼວງຫຼາຍໃຫ້ແກ່ໄທຢ່າງທັນເວລາ, ໄດ້ເພີ່ມທະວີຄວາມໝັ້ນໃຈແລະຄວາມສາມາດໃນການຕ້ານແລະກູ້ໄພນ້ຳຖ້ວມຂອງໄທ, ໄທສະແດງຄວາມຂອບໃຈນຳຈີນໄທ, ຍິນດີຕ້ອນຮັບວິສາຫະກິດຈີນເຂົ້າຮ່ວມວຽກງານສ້າງສາຄືນໃໝ່ຂອງໄທຫຼັງໄພນ້ຳຖ້ວມ. ໄທເອົາໃຈໃສ່ໃນລະດັບສູງນຳການພົວພັນລະຫວ່າງໄທກັບຈີນ, ຍິນດີຮ່ວມກັນກັບຈີນແລະປະເທດທີ່ກ່ຽວຂ້ອງຮັກສາຄວາມໝັ້ນຄົງຂອງການເດີນເຮືອຢູ່ຕາມລຳແມ່ນ້ຳຂອງ.
