ປະຊາຄົມໂລກມີທ່າທີຕ່າງກັນຕໍ່ມາດຕະການຂອງສັນນິບາດອາຣັບທີ່ປະຕິບັດຕໍ່ຊີລີ
(GMT+08:00) 2011-11-19 14:50:03 cri
ວັນທີ 16 ພະຈິກນີ້, ລັດຖະມົນຕີການຕ່າງປະເທດຂອງປະເທດສະມາຊິກສັນນິບາດອາຣັບຢືນຢັນວ່າຍົກເລີກຖານະເປັນປະເທດສະມາຊິກ ສັນນິບາດອາຣັບຂອງຊີລີ, ແລະຕົກລົງສົ່ງຄະນະສັງເກດການໄປຊີລີເພື່ອຕິດຕາມສະພາບການປະຕິບັດແຜນການແກ້ໄຂວິກິດການ, ປະຊາຄົມໂລກມີທ່າທີຕ່າງກັນຕໍ່ເລື່ອງນີ້.
ວັນທີ 18 ພະຈິກນີ້ຢູ່ມົສກູ, ທ່ານປູຕິນ, ນາຍົກລັດຖະມົນຕີຣັດເຊຍກ່າວວ່າ, ຣັດເຊຍຮຽກຮ້ອງໃຫ້ປະເທດຕ່າງໆໃນໂລກມີທ່າທີອົດກັ້ນແລະລະມັດລະວັງຕໍ່ສະຖານະການຊີລີ, ຣັດເຊຍບໍ່ເຫັນດີໃຊ້ກຳລັງອາວຸດ.
ວັນທີ 17 ພະຈິກນີ້ຢູ່ເບລຸດ, ທ່ານນາອິມ ຄາເຊັມ, ຮອງເລຂາທິການໃຫຍ່ຂອງພັກຮິສບາລັຮ໌ລີບັງກ່າວວ່າ, ຄວນແກ້ໄຂບັນຫາຊີລີດ້ວຍການສົນທະນາ, ປະເທດອາຣັບແລະກຳລັງພາຍນອກໃຊ້ກຳລັງກົດດັນຕໍ່ຊີລີບໍ່ມີຜົນດີຕໍ່ການແກ້ໄຂບັນຫາ.
ວັນທີ 18 ພະຈິກນີ້ຢູ່ອັງກາລາ, ທ່ານເອເມັດ ດາອຸດໂອລູ, ລັດຖະມົນຕີວ່າການກະຊວງການຕ່າງປະເທດຕວກກີກ່າວວ່າ, ຖ້າວ່າຊີລີບໍ່ສິ້ນສຸດການປະທະກັນທີ່ນອງເລືອດໂດຍໄວ, ຕວກກີຈະປະຕິບັດມາດຕະການຕໍ່ຊີລີລວມທັງການລົງໂທດທາງເສດຖະກິດ.
ວັນທີ 18 ພະຈິກນີ້, ທ່ານອາເລນ ຈູເປ, ລັດຖະມົນຕີວ່າການກະຊວງການຕ່າງປະເທດຝລັ່ງກໍ່ກ່າວວ່າ, ມີຄວາມຈຳເປັນລົງໂທດຕໍ່ຊີລີດ້ວຍວິທີຕ່າງໆເຊັ່ນລົງໂທດເສດຖະກິດ.
