ອົງການພະລັງງານປະລະມານູສາກົນຮັບຮອງມະຕິຕົກລົງກ່ຽວກັບການແກ້ໄຂບັນຫານິວເຄຼຍອີຣານດ້ວຍຊ່ອງທາງສົນທະນາ
(GMT+08:00) 2011-11-19 14:28:51 cri
ວັນທີ 18 ພະຈິກນີ້, ກອງປະຊຸມສະພາມົນຕີອົງການພະລັງງານປະລະມານູສາກົນທີ່ຈັດຂຶ້ນຢູ່ນະຄອນວຽນໄດ້ຮັບຮອງມະຕິ, ຕົກລົງກ່າວເນັ້ນວ່າ, ຈະຊອກຫາວິທີແກ້ໄຂບັນຫານິວເຄຼຍອີຣານດ້ວຍການສົນທະນາພາຍໃຕ້ຂອບອົງການພະລັງງານປະລະມານູສາກົນ.
ມະຕິສະບັບນີ້ແມ່ນຈີນ, ຝະຣັ່ງ, ເຢຍລະມັນ, ຣັດເຊຍ, ອັງກິດແລະອາເມລິກາຮ່ວມກັນສະເໜີອອກມາ, ໄດ້ຮັບ 32 ສຽງສະໜັບສະໜູນຈາກ 35 ປະເທດສະມາຊິກ. ມະຕິກ່າວເນັ້ນວ່າຈະສືບຕໍ່ແກ້ໄຂບັນຫານິວເຄຼຍອີຣານໂດຍຜ່ານຊ່ອງທາງການຕ່າງປະເທດ, ຮຽກຮ້ອງອີຣານດຳເນີນການປຶກສາຫາລືຢ່າງຈິງໃຈແລະບໍ່ມີເງື່ອນໄຂກັບປະຊາຄົມໂລກ, ເພື່ອຟື້ນຟູຄວາມໝັ້ນໃຈຂອງປະຊາຄົມໂລກທີ່ມີຕໍ່ລັກສະນະສັນຕິພາບຂອງແຜນການນິວເຄຼຍອີຣານ, ພ້ອມກັນນັ້ນ, ກໍ່ຮຽກຮ້ອງໃຫ້ອີຣານເພີ່ມທະວີການຮ່ວມມືກັບອົງການພະລັງງານປະລະມານູສາກົນ, ອະທິບາຍບັນຫາທີ່ຍັງບໍ່ຈະແຈ້ງເທື່ອໃນແຜນການນິວເຄຼຍຂອງຕົນໂດຍໄວ.
