ຈີນສະເໜີໃຫ້ແກ້ໄຂບັນຫານິວເຄຼຍອີຣານດ້ວຍການສົນທະນາ
(GMT+08:00) 2011-11-19 14:31:39 cri
ວັນທີ 18 ພະຈິກນີ້, ທ່ານເອກອັກຄະລັດຖະທູດເຊີງຈີ້ງເຢ້ຍ, ຜູ້ແທນຈີນປະຈຳສະຫະປະຊາຊາດແລະອົງການສາກົນອື່ນໆທີ່ນະຄອນວຽນກ່າວເນັ້ນວ່າ, ການສົນທະນາແລະການຮ່ວມມືແມ່ນຊ່ອງທາງອັນຖືກຕ້ອງພຽງໜຶ່ງດຽວໃນການແກ້ໄຂບັນຫານິວເຄຼຍອີຣານຢ່າງເໝາະສົມ, ສອດຄ່ອງກັບຜົນປະໂຫຍດພື້ນຖານຂອງທຸກຝ່າຍ.
ໃນເວລາກອງປະຊຸມສະພາມົນຕີອົງການພະລັງງານປະລະມານູສາກົນພິຈາລະນາບັນຫານິວເຄຼຍອີຣານ, ທ່ານເຊີງຈີ້ງເຢ້ຍໄດ້ປະກອບຄຳຄິດຄຳເຫັນວ່າ, ຈີນເຫັນວ່າ, ພາຍໃຕ້ສະຖານະການປະຈຸບັນ, ຕັ້ງໜ້າຊຸກຍູ້ການສົນທະນາແລະການເຈລະຈາ, ເດັດດ່ຽວສຸມກຳລັງເຂົ້າໃນການແກ້ໄຂບັນຫານິວເຄຼຍອີຣານດ້ວຍສັນຕິວິທີແມ່ນສຳຄັນຫຼາຍ. ການລົງໂທດຈົນວ່າການໃຊ້ກຳລັງອາວຸດລ້ວນແຕ່ຈະແກ້ໄຂບັນຫາຢ່າງເຖິງຖອງບໍ່ໄດ້, ຍັງຈະເຮັດໃຫ້ສະພາບການຮ້າຍແຮງຂຶ້ນຕື່ມ.
