ເຈົ້າໜ້າທີ່ລັດຖະບານລີບີປະກາດວ່າໄດ້ຈັບລູກຊາຍຜູ້ທີສອງຂອງທ່ານກັດດາຟີ
(GMT+08:00) 2011-11-20 13:45:25 cri
ວັນທີ19ພະຈິກນີ້, ຢູ່ຕຼິໂປລີ, ຄະນະກຳມະການແຫ່ງຊາດຊົ່ວຄາວລີບີປະກາດວ່າ, ເຈົ້າໜ້າທີ່ລັດຖະບານໄດ້ຈັບຕົວທ້າວເຊອິຟ ອານ ອິສລາມ ກັດດາຟີ ລູກຊາຍຜູ້ທີສອງຂອງທ່ານກັດດາຟີ, ແລະກ່າວວ່າ, ທ້າວເຊອິຟຈະຖືກພິຈາລະນາແລະຕັດສິນໃນສານຢ່າງຍຸດຕິທຳ.
ຕາມຂ່າວແຈ້ງວ່າ, ທ້າວເຊອິຟຖືກຈັບຕົວໃນຕອນທ່ຽງຂອງມື້ດຽວກັນ, ໃນເວລາຖືກຈັບຕົວລາວພວມພະຍາຍາມໜີໄປນີເຊພ້ອມດ້ວຍຜູ້ຕິດຕາມຫຼາຍຄົນ. ມື້ດຽວກັນ, ສານອາຍາສາກົນທີ່ຕັ້ງຢູ່ເມືອງລາໄຮຂອງໂຮນລັງກໍຢືນຢັນວ່າທ້າວເຊອິຟຖືກຈັບຕົວແລ້ວ.
ວັນທີ19ພະຈິກນີ້, ທ່ານອັບເດວ ຣາຮິມ ອານ ກິບ ປະທານຄະນະບໍລິຫານງານຄະນະກຳມະການແຫ່ງຊາດຊົ່ວຄາວລີບີກ່າວວ່າ, ທ້າວເຊອິຟຈະຖືກພິຈາລະນາຕັດສິນດ້ວຍຄວາມເປັນທຳ, ທ່ານຫວັງວ່າ, ນີ້ຈະເປັນເງື່ອນໄຂທີ່ດີໃຫ້ແກ່ລີບີໃນການພັດທະນາສ້າງສາຄືນໃໝ່.
