ຈີນໄດ້ຍິງສົ່ງດາວທຽມສອງດວງດ້ວຍຈະຫຼວດລູກດຽວຢ່າງສຳເລັດຜົນ
(GMT+08:00) 2011-11-20 13:53:50 cri
ເວລາ8ໂມງ15ນາທີຂອງວັນທີ20ພະຈິກນີ້, ຢູ່ສູນຍິງສົ່ງຈິວສວນ, ຈີນໄດ້ໃຊ້ຈະຫຼວດສາງເຈິ່ງເລກ2D ຍິງສົ່ງດາວທຽມສອງດວງ ຄື ດາວທຽມຊ້ວງຊິນເລກ1ດາວທີ3ແລະດາວທຽມທົດລອງເລກ4ຂຶ້ນສູ່ອະວະກາດຢ່າງສຳເລັດຜົນ.
ດາວທຽມຊ້ວງຊິນເລກ1ດາວທີ3ຕົ້ນຕໍຈະມີໜ້າທີ່ເກັບກຳແລະສົ່ງຂໍ້ມູນຂອງສະຖານີຕິດຕາມປະເພດຕ່າງໆໃນຂົງເຂດຊົນລະປະທານ, ສະພາບນ້ຳ, ອຸຕຸນິຍົມ, ພະລັງງານໄຟຟ້າແລະຫຼຸດຜ່ອນໄພທຳມະຊາດ. ດາວທຽມທົດລອງເລກ4 ຕົ້ນຕໍຈະດຳເນີນການທົດລອງດ້ານເຕັກນິກອະວະກາດແລະກວດກາດ້ານສິ່ງແວດລ້ອມ.
ນີ້ແມ່ນຈະຫຼວດຍິງສົ່ງລະບົບສາງເຈິ່ງຂອງຈີນປະຕິບັດໜ້າທີ່ຍິງສົ່ງເທື່ອທີ151ແລ້ວ.
