ວັນທີ 19 ພະຈິກນີ້, ກອງປະຊຸມສຸດຍອດອາຊີຕາເວັນອອກຄັ້ງທີ 6 ທີ່ດຳເນີນເປັນເວລາໜຶ່ງມື້ໄດ້ອັດລົງຢູ່ເກາະບາຫຼີແຫ່ງອິນໂດເນເຊຍ. ທີ່ປະຊຸມກ່າວເນັ້ນວ່າ,ກອງປະຊຸມສຸດຍອດອາຊີຕາເວັນອອກຈະສືບຕໍ່ຍຶດໝັ້ນລັກສະນະເວທີປຶກສາຫາລືຍຸດທະສາດທີ່ຖືຜູ່ນຳເປັນຜູ່ຊັກນຳ, ຍຶດໝັ້ນຖືອາຊຽນເປັນຜູ່ນຳພາ, ຖື"ອາຊຽນ+1" ແລະ "ອາຊຽນ+3"ເປັນຊ່ອງທາງການຮ່ວມມືຫຼັກ.
ກອງປະຊຸມຊີ້ອອກວ່າ, ໂດຍປະເຊີນໜ້າກັບສະພາບການຟື້ນຕົວຄືນຂອງເສດຖະກິດໂລກຊ້າລົງ ແລະ ບໍ່ໝັ້ນທ່ຽງ, ຄວນຮັກສາທ່າອຽງທີ່ດີໃນການພັດທະນາເສດຖະກິດອາຊີຕາເວັນອອກ.
ກອງປະຊຸມຍັງໄດ້ຜ່ານຮັບຮອງຖະແຫຼງການສອງສະບັບກ່ຽວກັບຫຼັກການການພົວພັນທີ່ຕ່າງຝ່າຍຕ່າງມີຜົນປະໂຫຍດ ແລະ ອາຊຽນເຊື່ອມໂຍງເຂົ້າກັນ. ໃນນັ້ນ, ຖະແຫຼງການກ່ຽວກັບຫຼັກການການພົວພັນທີ່ຕ່າງຝ່າຍຕ່າງມີຜົນປະໂຫຍດຈະກາຍເປັນທິດຊັກນຳເພື່ອຊຸກຍູ້ ແລະ ຮັກສາສັນຕິພາບ, ສະຖຽນລະພາບ ແລະ ຄວາມຈະເລີນຂອງພາກພື້ນອາຊີຕາເວັນອອກ.
