ວັນທີ 19 ພະຈິກນີ້, ທ່ານເວີນເຈຍປາວ ນາຍົກລັດຖະມົນຕີຈີນທີ່ເດີນທາງໄປເກາະບາຫຼີແຫ່ງອິນໂດເນເຊຍເພື່ອເຂົ້າຮ່ວມກອງປະຊຸມສຸດຍອດອາຊີຕາເວັນອອກຄັ້ງທີ 6 ກ່າວວ່າ, ຄວາມຂັດແຍ່ງທາງທະເລຈີນໃຕ້ຄວນໃຫ້ປະເທດທີ່ກ່ຽວຂ້ອງໂດຍກົງນັ້ນຜ່ານການຫາລືເຈລະຈາທີ່ມີໄມຕີຈິດມິດຕະພາບ,ແກ້ໄຂດ້ວຍສັນຕິວິທີ, ນີ້ແມ່ນຄວາມຮັບຮູ້ຄືກັນຂອງ" ຖະແຫຼງການການກະທຳຂອງຝ່າຍຕ່າງໆຢູ່ທະເລຈີນໃຕ້".
ໃນກອງປະຊຸມສຸດຍອດຂອງມື້ດຽວກັນ ,ທ່ານເວີນເຈຍປາວກ່າວວ່າ, ຫຼັກໝັ້ນແລະຈຸດຢືນອັນພື້ນຖານກ່ຽວກັບບັນຫາທະເລຈີນໃຕ້ຂອງຈີນແມ່ນຈະແຈ້ງ ມາໂດຍຕະຫຼອດ. ປີ2002, ຈີນ ກັບ ປະເທດອາຊຽນໄດ້ເຊັນ"ຖະແຫຼງການການກະທຳຂອງຝ່າຍຕ່າງໆຢູ່ທະເລຈີນໃຕ້", ຕົກລົງຊຸກຍູ້ການຮ່ວມມືທີ່ຕິດແທດຕົວຈິງ,ແລະທຳຄວາມພະຍາຍາມເພື່ອໃຫ້"ລະບຽບການການກະທຳຂອງຝ່າຍຕ່າງໆຢູ່ທະເລຈີນໃຕ້"ກ້າວເຖິງຂັ້ນເປັນເອກະສັນກັນໃນທີ່ສຸດ. ນີ້ແມ່ນຄວາມປາຖະໜາຮ່ວມຂອງປະເທດອາຊຽນ ແລະ ຈີນ. ຈີນຫວັງໃຫ້ຝ່າຍຕ່າງໆສາມາດຖືພາກສ່ວນໃຫຍ່ແຫ່ງການຮັກສາສັນຕິພາບແລະສະຖຽນລະພາບຂອງພາກພື້ນເປັນສຳຄັນ, ເຮັດວຽກງານທີ່ເພິ່ມທະວີຄວາມໄວ້ເນື້ອເຊື່ອໃຈກັນ ແລະ ຊຸກຍູ້ການຮ່ວມມືໃຫ້ຫຼາຍຂຶ້ນກວ່າເກົ່າ.
ທ່ານເວີນເຈຍປາວກ່າວວ່າ, ການບັນລຸຄວາມໝັ້ນຄົງອັນຍາວນານຂອງອາຊີຕາເວັນອອກແມ່ນຄວາມປະຖະໜາຮ່ວມຂອງຫຼາຍຄົນ ແລະ ທ່າອຽງໃຫຍ່ທີ່ຕ້ອງເປັນໄປ. ປະເທດອາຊີຕາເວັນອອກມີສະຕິປັນຍາສະຫຼາດສະຫຼຽວ ສາມາດແກ້ໄຂບັນຫາທີ່ຄົງຄ້າງໃນປະຫວັດສາດໄດ້ຢ່າງເໝາະສົມ.
