ຕາມຂ່າວຈາກສຳນັກຂ່າວສານທາງການຂອງລັດຖະບານຊີຣີລາຍງານວ່າ:ວັນທີ20 ພະຈິກນີ້,ລັດຖະບານຊີຣີໄດ້ຈັບຕົວຜູ່ປະກອບອາວຸດ 58 ຄົນຢູ່ແຂວງໂຮມູ໌ ທາງພາກກາງແລະແຫ່ງອື່ນໆຂອງຊີຣີ.
ຕາມຂ່າວລາຍງານວ່າ,ນັບແຕ່ອາທິດແລ້ວນີ້ເປັນຕົ້ນມາ,ລັດຖະບານຊີຣີໄດ້ຈັບຜູ່ໂຈມຕີຕຶກອາຄານຂອງລັດຖະບານແລະສິ່ງກໍ່ສ້າງທາງການທະຫານຫຼາຍສິບຄົນ.ຜູ່ປະກອບອາວຸດເຫຼົ່ານີ້ຖືກກ່າວວ່າເປັນກຸ່ມທີ່ເຮັດໃຫ້ປະຊາຊົນຈຳນວນຫນຶ່ງພ້ອມດ້ວຍ ເຈົ້າຫນ້າທີ່ຮັກສາຄວາມປອດໄພຂອງລັດຖະບານແລະຕຳຫຼວດຖືກສັງຫານໃນເວລາເດີນຂະບວນປະທ້ວງຂະຫນາດໃຫຍ່ທີ່ເກີດຂຶ້ນຢູ່ແຫ່ງນີ້ແລະເຫດການຄວາມຮຸນແຮງທີ່ເກີດຂຶ້ນຕາມມາ.
ວັນທີ20 ພະຈິກນີ້,ຝ່າຍຄ້ານຂອງຊີຣີໄດ້ຮຽກຮ້ອງໃຫ້ຢຸດຕິການເຄື່ອນໄຫວທຸກຄວາມຮຸນແຮງຢູ່ພາຍໃນປະເທດໂດຍທັນທີ,ເພື່ອປ້ອງກັນບໍ່ໃຫ້ສະຖານະການຊີຣີເກີດຄວາມວຸ້ນວາຍປັ່ນປ່ວນຕື່ມອີກ,ແລະຕົກຢູ່ໃນກົນອຸບບາຍຈາກພາຍນອກ.
