ຕາມຂ່າວສານຈີນລາຍງານວ່າ:ວັນທີ20 ພະຈິກນີ້,ເຈົ້າຫນ້າທີ່ຕຳຫຼວດໄທກ່າວວ່າ,ຈະຈັດວາງກຳລັງຕຳຫຼວດສອງກອງຮ້ອຍເພື່ອຮັກສາຄວາມປອດໄພຢູ່ບໍລິເວນອ້ອມແອ້ມຂອງທຳນຽບນາຍົກລັດຖະມົນຕີ,ເພື່ອຮັບປະກັນຄວາມລະບຽບຮຽບຮ້ອຍໃນການໂຮມຊຸມນຸມຂອງ"ກຸ່ມພັນທະມິດປະຊາຊົນເພື່ອປະຊາທິປະໄຕຫຼືກຸ່ມເສື້ອເຫຼືອງ"ທີ່ຈັດຂຶ້ນໃນວັນທີ 21 ພະຈິກນີ້.
ຕຳຫຼວດກ່າວວ່າ,ຄາດວ່າຈະມີຜູ່ສະຫນັບສະຫນູນຂອງ"ກຸ່ມເສື້ອເຫຼືອງ"ປະມານ1000 ຄົນເຂົ້າຮ່ວມການໂຮມຊຸມນຸມໃນຄັ້ງນີ້,ປະຈຸບັນນີ້,ຍັງບໍ່ໄດ້ພົບເຫັນປະກົດການທີ່ອາດຈະພາໃຫ້ເກີດເຫດການປະທະກັນດ້ວຍຄວາມຮຸນແຮງ.
ກ່ອນຫນ້ານີ້,"ກຸ່ມເສື້ອເຫຼືອງ"ກ່າວວ່າ, ຈະໂຮມຊຸມນຸມໃນວັນທີ21 ພະຈິກນີ້, ເພື່ອຄັດຄ້ານລັດຖະບານຫວັງຢາກຮັບຮອງກົດຫມາຍສະບັບຫນຶ່ງເພື່ອຂໍພະຣາຊະໂອງການນິລະໂທດຈາກພະບໍລົມມະວົງສານຸວົງ ເພື່ອເຮັດໃຫ້ທ່ານທັກສິນ ຊິນນະວັດ,ອະດີດນາຍົກລັດຖະມົນຕີໄດ້ຮັບນິລະໂທດ.ການໂຮມຊຸມນຸມໃນຄັ້ງນີ້ຈະໄດ້ເລີ່ມດຳເນີນໃນເວລາ 10 ໂມງຕອນເຊົ້າແລະຈະສິ້ນສຸດລົງໃນເວລາ 18 ໂມງຂອງມື້ດຽວກັນ. ວັນທີ 20 ພະຈິກນີ້,ທ່ານທັກສິນ ຊິນນະວັດ,ອະດີດນາຍົກລັດຖະມົນຕີໄທໄດ້ອອກຖະແຫຼງການທາງລາຍລັກອັກສອນສະບັບຫນຶ່ງໂດຍຜ່ານທີ່ປຶກສາທາງດ້ານກົດຫມາຍຂອງທ່ານວ່າ:,ທ່ານຈະບໍ່ຮັບເອົາຜົນປະໂຫຍດຕ່າງໆຈາກພະຣາຊະໂອງການນິລະໂທດຂອງພະບໍລົມມະວົງສານຸວົງຂອງໄທ.
