ປະທານາທິບໍດີຟີລິບປິນກ່າວວ່າ ທ່ານນາງອາໂຣໂຢສາມາດແກ້ຂໍ້ກ່າວຫາຢ່າງເປັນທຳໃນສານ
(GMT+08:00) 2011-11-21 17:34:33 cri
ວັນທີ21ພະຈິກນີ້, ໜັງສືພິມລຽນເຮີຈາວປ້າວຂອງສິງກະໂປລາຍງານວ່າ, ຫວ່າງມໍ່ໆນີ້, ຫຼັງຈາກທ່ານນາງກໍຼເຣຍມາຄາປາການ ອາໂຣໂຢ,ອະດີດປະທານາທິບໍຟີລິບປິນຖືກກ່າວຫາວ່າສໍ້ໂກງໃນການເລືອກຕັ້ງ, ທ່ານເບນິກໂນ ອາກີໂນ 3,ປະທານາທິບໍດີກ່າວເນັ້ນວ່າ, ທ່ານນາງອາໂຣໂຢຈະມີໂອກາດແກ້ຂໍ້ກ່າວຫາຢ່າງເປັນທຳໃນສານ. ທ່ານກ່າວວ່າ, ອຳນາດການປົກຄອງໃນປະຈຸບັນຕ້ອງສືບຫາການກະທຳທີ່ຜິດກົດໝາຍໃນການທຳລາຍການເລືອກຕັ້ງ,ຖ້າບໍ່ດັ່ງນັ້ນ,ຈະຍຸແຍ່ຜູ້ອື່ນກະທຳຜິດກົດໝາຍ.
ໃນເວລາທ່ານອາກີໂນລົງສະໝັກເຂົ້າຮ່ວມການເລືອກຕັ້ງເປັນປະທານາທິບໍດີໃນປີ2010,ທ່ານໄດ້ເລືອກເອົາການຕໍ່ຕ້ານການສໍ້ລາດບັງຫຼວງເປັນໂຄງການການເມືອງໃນການລົງສະໝັກເຂົ້າຮ່ວມການເລືອກຕັ້ງ,ຍັງປະຕິຍານຕົວວ່າຈະສືບສວນການກ່າວຫາທີ່ມີຕໍ່ທ່ານນາງອາໂຣໂຢໃນດ້ານການສໍ້ລາດບັງຫຼວງ. ຕອນຄ່ຳວັນທີ19ພະຈິກນີ້,ໃນເວລາທ່ານອາກີໂນເດີນທາງຈາກເກາະບາຫຼີຂອງອິນໂດເນເຊຍກັບຄືນຮອດນະຄອນຫຼວງມານີລາຂອງຟີລິບປິນ,ທ່ານໃຫ້ສຳພາດຕໍ່ນັກຂ່າວວ່າ: "ທ່ານນາງອາໂຣໂຢຈະມີໂອກາດແກ້ຂໍ້ກ່າວຫາດ້ວຍຕົນເອງຢ່າງເປັນທຳໃນສານ.ນີ້ແມ່ນສິດຂອງປະຊາຊົນຟີລິບປິນໝົດທຸກຄົນ. ໃນໄລຍະການໄຕ່ສວນ,ໝົດທຸກຄົນສະເໝີພາບກັນ."
ທ່ານນາງອາໂຣໂຢໄດ້ດຳລົງຕຳແໜ່ງເປັນປະທານາທິບໍດີຟີລິບປິນ2ສະໄໝແຕ່ປີ2001ຫາປີ2010,ໄດ້ປະຕິເສດໂດຍຕະຫຼອດຕໍ່ການກ່າວຫາວ່າທີ່ສ່ວນກ່ຽວພັນເຖິງເຫດການສໍ້ໂກງໃນການເລືອກຕັ້ງໄລຍະກາງປີ2007. ພາຍຫຼັງນາງຖືກຂັດຂວາງໃນຂະນະທີ່ກຽມຂີ່ຍົນອອກຈາກຟີລິບປິນເພື່ອໄປປິ່ນປົວຢູ່ຕ່າງປະເທດໃນຕອນຄ່ຳວັນທີ15ພະຈິກຜ່ານມາແລະໄດ້ເຂົ້ານອນປິ່ນປົວຢູ່ໂຮງໝໍແຫ່ງໜຶ່ງຢູ່ນະຄອນຫຼວງມານີລາ,ຕໍ່ມາຕຳຫຼວດໄດ້ຈັບຕົວນາງຢູ່ໃນໂຮງໝໍແຫ່ງດັ່ງກ່າວ.
