ບັນຫາທະເລຈີນໃຕ້ໃຫ້ປະເທດທີ່ກ່ຽວຂ້ອງປຶກສາຫາລືກັນແລະແກ້ໄຂຈຶ່ງສອດຄ່ອງກັບຮີດສາກົນ
(GMT+08:00) 2011-11-21 19:16:51 cri
ໃນກອງປະຊຸມສຸດຍອດອາຊີຕາເວັນອອກຄັ້ງທີ6ທີ່ອັດລົງໃນຫວ່າງມໍ່ໆນີ້, ເຖິງວ່າບັນຫາທະເລຈີນໃຕ້ບໍ່ໄດ້ເຂົ້າເປັນວາລະປະຊຸມຢ່າງເປັນທາງການຂອງກອງປະຊຸມກໍ່ຕາມ,ແຕ່ໃນເວລາເວົ້າເຖິງບັນຫາທະເລຈີນໃຕ້, ທ່ານເວີ່ນເຈ່ຍປາວ, ນາຍົກລັດຖະມົນຕີຈີນໄດ້ບັນລະຍາຍຫຼັກໝັ້ນຂອງຈີນຢ່າງຈະແຈ້ງວ່າ: ຄວາມຂັດແຍ່ງກັນຢູ່ທະເລຈີນໃຕ້ຄວນໃຫ້ປະເທດອະທິປະໄຕທີ່ພົວພັນໂດຍກົງແກ້ໄຂດ້ວຍສັນຕິວິທີໂດຍຜ່ານການປຶກສາຫາລືແລະການເຈລະຈາຢ່າງມີໄມຕີຈິດມິດຕະພາບ.
ທີ່ຈິງແລ້ວ,ໃນປີ2002,ຢູ່ລະຫວ່າງຈີນກັບອາຊຽນກໍ່ຖະແຫຼງການວ່າດ້ວຍການປະພຶດຂອງຝ່າຍຕ່າງໆຢູ່ທະເລຈີນໃຕ້,ແລະໄດ້ມີຄວາມເຫັນເປັນເອກະສັນກັນກ່ຽວກັບການແກ້ໄຂຄວາມຂັດແຍ່ງຢູ່ທະເລຈີນໃຕ້. ໃນເດືອນກໍລະກົດຂອງປີ2011,ໄດ້ມີຄວາມເຫັນເປັນເອກະສັນກັນກ່ຽວກັບການຈັດຕັ້ງປະຕິບັດເຂັມທິດຊີ້ນຳໃນຖະແຫຼງການ. ນີ້ສະແດງໃຫ້ເຫັນວ່າ,ກ່ຽວກັບຄວາມຂັດແຍ່ງກັນຢູ່ທະເລຈີນໃຕ້,ປະເທດທີ່ກ່ຽວຂ້ອງມີຄວາມສາມາດ,ມີສະຕິປັນຍາ,ກໍ່ມີຄວາມໝຸ່ງຫວັງຮ່ວມກັນປຶກສາຫາລືເພື່ອແກ້ໄຂຄວາມຂັດແຍ່ງກັນ. ປະເທດທີ່ກ່ຽວຂ້ອງທີ່ມີຄວາມຂັດແຍ່ງກັນດຳເນີນການປຶກສາຫາລືກັນແກ້ໄຂບັນຫາແມ່ນວິທີໃຊ້ທົ່ວໄປແລະເລື້ອຍໆໃນການແກ້ໄຂແລະປັບປຸງການພົວພັນລະຫວ່າງຊາດໂດຍບໍ່ຕ້ອງສົງໄສ,ກໍ່ແມ່ນວິທີທີ່ປະຊາຄົມໂລກເຫັນດີນຳທີ່ສຸດ. ບັນຫາທີ່ຄ້າງຄາລະຫວ່າງຈີນກັບປະເທດທີ່ກ່ຽວຂ້ອງໃນອາຊຽນ,ຄວນແມ່ນປະເທດທີ່ກ່ຽວຂ້ອງແກ້ໄຂໂດຍຜ່ານການເຈລະຈາ. ປະເທດຢູ່ນອກພາກພື້ນເຂົ້າມາແຊກແຊງ,ມີແຕ່ຈະເຮັດໃຫ້ສະພາບທີ່ບໍ່ໝັ້ນທ່ຽງເກີດຂຶ້ນໃໝ່,ບັນຫາສັບສົນກວ່າເກົ່າ,ແກ້ໄຂໃຫ້ຕົກຍາກກວ່າເກົ່າ.
ປີນີ້ແມ່ນການສ້າງການພົວພັນປະເທດຄູ່ເຈລະຈາລະຫວ່າງຈີນກັບອາຊຽນຄົບຮອບ20ປີ. ໃນ20ປີຜ່ານມາ,ກົນໄກສົນທະນານີ້ໄດ້ຮັບການປັບປຸງໃຫ້ສົມບູນຂຶ້ນຢ່າງບໍ່ຢຸດຢັ້ງ,ການພົວພັນຄູ່ລະຫວ່າງຈີນກັບອາຊຽນໄດ້ຍົກສູງຈາກລະດັບ "ຄູ່ເຈລະຈາ"ຂຶ້ນເປັນລະດັບ "ຄູ່ຍຸດທະສາດ". ຈີນກັບອາຊຽນຮ່ວມມືກັນເປັນເວລາຍາວນານ, ໄດ້ປະກອບສ່ວນອັນສຳຄັນເຂົ້າໃນສັນຕິພາບ,ສະຖຽນລະພາບແລະການພັດທະນາຂອງພາກພື້ນ. ໃນກອງປະຊຸມສຸດຍອດອາຊຽນຈີນທີ່ຈັດຂຶ້ນໃນຫວ່າງມໍ່ໆນີ້, ທ່ານເວີ່ນເຈ່ຍປາວ,ນາຍົກລັດຖະມົນຕີຈີນໄດ້ສະເໜີຂໍ້ລິເລີ່ມ6ຂໍ້ກ່ຽວກັບການລົງເລິກການຮ່ວມມືທີ່ຕິດແທດຕົວຈິງລະຫວ່າງຈີນກັບອາຊຽນ,ໃນນັ້ນ,ຂໍ້ທີ4ໄດ້ກ່າວເຖິງຫຼັກໝັ້ນອັນຈະແຈ້ງຂອງຈີນອີກເທື່ອໜຶ່ງໃນການດຳເນີນການຮ່ວມມືທາງທະເລກັບປະເທດທີ່ກ່ຽວຂ້ອງໃນອາຊຽນ,ຜ່ານການຮ່ວມມືເປີດກວ້າງຄວາມເຫັນທີ່ເປັນເອກະສັນກັນແລະຜົນປະໂຫຍດຮ່ວມກັນ,ແກ້ໄຂຄວາມຂັດແຍ່ງກັນໃນຂະບວນການການຮ່ວມມື.
ຄວາມຈິງໃຈແລະຄວາມເຈດຕະນາດີຂອງລັດຖະບານແລະປະຊາຊົນຈີນໄດ້ຮັບຄວາມເຂົ້າໃຈແລະຍ້ອງຍໍຈາກບັນດາປະເທດອາຊຽນ. ຜູ້ນຳຂອງບັນດາປະເທດອາຊຽນໄດ້ສະແດງຄວາມຊົມເຊີຍຕໍ່ຂໍ້ລິເລີ່ມທີ່ທ່ານເວີ່ນເຈ່ຍປາວສະເໜີອອກມາ,ຍິນດີຮ່ວມກັບຈີນສືບຕໍ່ສະໜັບສະໜູນເຊິ່ງກັນແລະກັນປະສານສົມທົບກັນຢ່າງແໜ້ນແຟ້ນ,ລົງເລິກຄວາມໄວ້ເນື້ອເຊື່ອໃຈກັນທາງດ້ານຍຸດທະສາດ,ກຳກາລະໂອກາດ,ຍົກສູງລະດັບການຮ່ວມມືທີ່ຕິດແທດຕົວຈິງຢ່າງຮອບດ້ານ,ຮ່ວມກັນປະກອບສ່ວນເຂົ້າໃນການຊຸກຍູ້ສັນຕິພາບ,ສະຖຽນລະພາບແລະຄວາມຈະເລີນຮຸ່ງເຮືອງຂອງພາກພື້ນແຫ່ງນີ້.
