ຕາມສະພາມົນຕີການຄ້າຈີນ-ອາຊຽນເປີດເຜີຍວ່າ, ນັບແຕ່ເດືອນມັງກອນຫາເດືອນຕຸລາປີນີ້, ມູນຄ່າການຄ້າລະຫວ່າງຈີນອາຊຽນບັນລຸເຖິງ295ຕື້5ຮ້ອຍລ້ານໂດລາ, ໄດ້ເພີ່ມຂຶ້ນ25,7%ຖ້າທຽບກັບໄລຍະດຽວກັນຂອງປີຜ່ານມາ. ປະເທດທີ່ຢູ່ໃນອັນດັບທີ1ຫາທີ3ດ້ານການຄ້າລະຫວ່າງຈີນກັບອາຊຽນແມ່ນມະເລເຊຍ, ໄທແລະສິງກະໂປ.
ນັບມາຮອດເດືອນສິງຫາປີນີ້, ການລົງທຶນເຊິ່ງກັນແລະກັນລະຫວ່າງຈີນກັບອາຊຽນໄດ້ບັນລຸ90ຕື້ໂດລາ, ໃນນັ້ນ, ວິສາຫະກິດຈີນໄດ້ລົງທຶນຢູ່ອາຊຽນທັງໝົດ22ຕື້3ຮ້ອຍລ້ານໂດລາ, ອາຊຽນໄດ້ກາຍເປັນຕະຫຼາດໃຫຍ່ທີ່ສຸດທີ່ວິສາຫະກິດຈີນໄດ້ລົງທຶນຢູ່ຕ່າງປະເທດ.
ທ່ານຊີນີງນີງຮອງເລຂາທິການໃຫຍ່ຂອງຈີນປະຈຳສະພາມົນຕີການຄ້າຈີນ-ອາຊຽນສະເໜີວ່າ, ສອງຝ່າຍຄວນປັບປຸງແລະພັດທະນາການພົວພັນຄູ່ຮວມມືຍຸດທະສາດຕື່ມອີກ, ພະຍາຍາມສ້າງເຂດການຄ້າເສລີຈີນ-ອາຊຽນໃຫ້ດີ, ເພີ່ມທະວີການແລກປ່ຽນແລະການຮ່ວມມືດ້ານວຽກງານສາກົນແລະພາກພື້ນ, ເລັ່ງລັດຂະບວນການເຊື່ອມໂຍງເຂົ້າເປັນເອກະພາບກັນໃນອາຊີຕາເວັນອອກຮ່ວມກັນ.
