ຈີນຮຽກຮ້ອງໃຫ້ອາເມລິກາຫຼີກເວັ້ນບໍ່ໃຫ້ບັນຫາເສດຖະກິດຫັນເປັນການເມືອງ

(GMT+08:00) 2011-11-21 16:57:08 cri

ຕາມຂ່າວCRI: ກອງປະຊຸມຄະນະກຳມະການຮ່ວມມືທາງດ້ານການຄ້າຈີນອາເມລິກາຄັ້ງທີ22ໄດ້ໄຂຂຶ້ນຢູ່ເມືອງເສິງຕູທາງພາກຕາເວັນຕົກຂອງຈີນໃນວັນທີ21ພະຈິກນີ້. ທ່ານວາງຊີຊານຮອງນາຍົກລັດຖະມົນຕີຈີນກ່າວໃນພິທີເປີດວ່າ, ນັບແຕ່ກອງປະຊຸມຄະນະກຳມະການຮ່ວມມືທາງດ້ານການຄ້າຈີນອາເມລິກາເປັນຕົ້ນມາ, ຈີນໄດ້ຮັບຄວາມຄືບໜ້າຫຼາຍໃນດ້ານການປົກປັກຮັກສາສິດຊັບສິນທາງປັນຍາ, ນະໂຍບາຍປະດິດສ້າງໃໝ່, ການຈັດຊື້ຂອງລັດຖະບານແລະການໃຊ້ຊອຟແວທີ່ເປັນຂອງແທ້.

ການເຄື່ອນໄຫວລາຍສະເພາະດ້ານການຕ້ານການ ລ່ວງລະເມີດສິດ ຊັບສິນທາງປັນຍາແລະການຜະລິດຈຳໜ່າຍສິນຄ້າປອມແລະບໍ່ມີຄຸນນະພາບໄດ້ຮັບປະສິດທິຜົນຢ່າງເດັ່ນຊັດ, ກົນໄກໄລຍະຍາວໄດ້ສ້າງຕັ້ງຂຶ້ນໃນເບື້ອງຕົ້ນ. ຈີນໄດ້ສັງເກດເຫັນວ່າອາເມລິກາກຳລັງຕັ້ງໜ້າແກ້ໄຂບັນຫາວິຊາຈາກຈີນໄປອາເມລິກາທີ່ຈີນໄດ້ເອົາໃຈໃສ່ຫຼາຍ. ທ່ານກ່າວເນັ້ນວ່າ, ຫວັງວ່າອາເມລິກາຈະມີຄວາມຄືບໜ້າຕົວຈິງດ້ານການຜ່ອນຄາຍການຄວບຄຸມດ້ານການສົ່ງອອກຜະລິດຕະພັນເຕັກໂນໂລຊີສູງຕໍ່ຈີນ, ການໃຊ້ມາດຕະການຊ່ວຍເຫຼືອດ້ານການຄ້າຢ່າງສຸຊຸມຮອບຄອບ, ການຮອງຮັບຖານະເສດຖະກິດຕະຫຼາດຈີນ, ມີຄວາມດຸ່ນດ່ຽງຕໍ່ວິສາຫະກິດຈີນທີ່ໄປລົງທຶນຢູ່ອາເມລິກາແລະອື່ນໆ.

ທ່ານວາງຊີຊານຍັງກ່າວວ່າ, ພາຍໃຕ້ສະຖານະການປະຈຸບັນນີ້, ສອງຝ່າຍຄວນພະຍາຍາມຮ່ວມກັນ, ປະຕິບັດຄວາມເຫັນເປັນເອກະສັນກັນເຊິ່ງໄດ້ບັນລຸໃນກອງປະຊຸມສຸດຍອດການG20ທີ່ເມືອງ"ການ", ຄັດຄ້ານລັດທິປົກປ້ອງການຄ້າດ້ວຍການເຄື່ອນໄຫວຕົວຈິງ, ຫຼີກເວັ້ນບໍ່ໃຫ້ຫັນເອົາບັນຫາເສດຖະກິດກາຍເປັນບັນຫາທາງການເມືອງ, ຊຸກຍູ້ໃຫ້ເສດຖະກິດຂອງສອງປະເທດຫຼືທົ່ວໂລກເຕີບໂຕຢ່າງແຂງແຮງ, ຍືນຍົງແລະດຸ່ນດ່ຽງ.

ຜູ້ຕາງໜ້າອາເມລິກາທີ່ເຂົ້າຮ່ວມກອງປະຊຸມມີທ່ານຈອນ ບຼິໂຊນລັດຖະມົນຕີກະຊວງການຄ້າອາເມລິກາ, ທ່ານໂຣນາດ ເຄີກຜູ້ຕາງໜ້າການຄ້າແລະທ່ານໂທມາສ ວິນສັກລັດຖະມົນຕີກະຊວງກະສິກໍາແລະອື່ນໆ.

ຂ່າວ-ບົດທີ່ກ່ຽວຂ້ອງ

ຄຳເຫັນ

ຈີນຮຽກຮ້ອງໃຫ້ອາເມລິກາຫຼີກ​ເວັ້ນ​ບໍ່​ໃຫ້​ບັນ​ຫາ​ເສດ​ຖະ​ກິດ​ຫັນ​ເປັນ​ການ​ເມືອງ​

ຈີນຮຽກຮ້ອງໃຫ້ອາເມລິກາຫຼີກເວັ້ນບໍ່ໃຫ້ບັນຫາເສດຖະກິດຫັນເປັນການເມືອງ