ເຄື່ອງຂອງທີ່ບັນທຸກຢູ່ໃນຍານອະວະກາດເສິນໂຈ່ວເລກ8ໄດ້ນຳມາວາງສະແດງຢູ່ປັກກິ່ງ
(GMT+08:00) 2011-11-21 16:15:02 cri
ວັນທີ21ພະຈິກນີ້, ຢູ່ສູນຫາງທ່ຽນເສິງຂອງນະຄອນຫຼວງປັກກິ່ງ, ເຈົ້າໜ້າທີ່ທີ່ກ່ຽວຂ້ອງໄດ້ເປີດຫ້ອງກັບຄືນຂອງຍານອະວະກາດເສິນໂຈ່ວເລກ8ຢ່າງເປັນທາງການ. ເຄື່ອງຂອງຕ່າງໆ ເຊັ່ນ: ຮູບແຕ້ມຂອງທ່ານສຽນສົວເຊິ່ນ ບິດາແຫ່ງການບິນອະວະກາດຂອງຈີນ, ແນວພັນຂອງພືດປະເພດຕ່າງໆ ແລະອື່ນໆ ທີ່ບັນທຸກຢູ່ໃນຍານອະວະກາດແລະໄດ້ບິນໃນອະວະກາດເປັນເວລາ17ມື້ນັ້ນໄດ້ນຳມາວາງສະແດງອອກມາຕາມໆກັນ.
ໃນພິທີເປີດຫ້ອງກັບຄືນຂອງຍານອະວະກາດເສິນໂຈ່ວເລກ8ຢ່າງເປັນທາງການ, ທ່ານໜິວຫົງກວງ ຮອງຜູ້ບັນຊາການໃຫຍ່ໂຄງການການບິນອະວະກາດບັນທຸກມະນຸດຂອງຈີນກ່າວວ່າ, ເຄື່ອງຂອງທີ່ບັນທຸກຢູ່ໃນຍານອະວະກາດເສິນໂຈ່ວເລກ8 ໄດ້ບັນທຶກແລະເປັນສັກຂີພິຍານໃຫ້ແກ່ຂະບວນການພັດທະນາພາລະກິດການບິນອະວະກາດຂອງຈີນ, ໄດ້ກາຍເປັນສ່ວນປະກອບສຳຄັນຂອງວັດທະນະທຳການບິນອະວະກາດບັນທຸກມະນຸດ. ເຄື່ອງຂອງເຫຼົ່ານີ້ທັງແມ່ນຜະລິດຕະພັນວັດທະນະທຳ, ກໍແມ່ນໝາກຜົນຂອງໂຄງການສາທາລະນະປະໂຫຍດຂອງສັງຄົມ, ຍັງມີບັດອວຍພອນໃນອະວະກາດແລະຊິມອວຍພອນອະວະກາດ, ແມ່ນມາດຕະການສຳຄັນຂອງພາລະກິດການບິນອະວະກາດບັນທຸກຄົນຂອງຈີນເພື່ອຊຸກຍູ້ໃຫ້ວັດທະນະທຳສັງຄົມນິຍົມຂອງຈີນພັດທະນາແລະຮຸ່ງເຮືອງຂຶ້ນ.
