ຮອງນາຍົກຈີນກ່າວເນັ້ນວ່າ, ຕ້ອງເພີ່ມຄວາມແຮງໃນການປ້ອງກັນພະຍາດເອດ
(GMT+08:00) 2011-11-21 16:17:49 cri
ວັນທີ18ພະຈິກນີ້, ຢູ່ນະຄອນຫຼວງປັກກິ່ງ, ທ່ານຫຼີເຄິ້ຊຽງ ຮອງນາຍົກລັດຖະມົນຕີຈີນກ່າວເນັ້ນວ່າ, ຕ້ອງຍຶດໝັ້ນໃນການປ້ອງກັນແລະປິ່ນປົວພະຍາດເອດຢ່າງຮອບດ້ານຕາມກົດໝາຍແລະຫຼັກວິທະຍາສາດ, ເອົາໃຈໃສ່ຕໍ່ຜູ້ເປັນພະຍາດເອດຫຼາຍກວ່າເກົ່າ, ໃຊ້ມາດຕະການໃນຄວາມເປັນເຈົ້າການທີ່ແຂງແຮງກວ່າເກົ່າ, ສືບຕໍ່ເຮັດວຽກປ້ອງກັນແລະປິ່ນປົວພະຍາດເອດໃຫ້ດີກວ່າເກົ່າ.
ທ່ານຫຼີເຄິ້ຊຽງກ່າວຄວາມເວົ້ານີ້ໃນກອງປະຊຸມຄົບຄະນະຂອງຄະນະກຳມາທິການປ້ອງກັນແລະປິ່ນປົວພະຍາດເອດຂອງລັດຖະບານຈີນ. ທ່ານກ່າວວ່າ, ຕ້ອງຂະຫຍາຍເຄືອຂາຍປ້ອງກັນແລະຄວບຄຸມໃຫ້ສົມບູນຂຶ້ນ, ເປີດກວ້າງຂອບເຂດປ້ອງກັນແລະປົກຄຸມ, 5ປີຂ້າງໜ້ານີ້, ຕ້ອງຍົກອັດຕາປົກຄຸມກຸ່ມຄົນທີ່ມີຄວາມສ່ຽງໃຫ້ໄດ້90%ຂຶ້ນໄປ. ພ້ອມກັນນັ້ນ, ຈະໃຫ້ການສະໜັບສະໜູນໃນດ້ານງົບປະມານແລະອຳນວຍຄວາມສະດວກແກ່ອົງການຈັດຕັ້ງປະຊາຊົນທີ່ດຳເນີນວຽກງານປ້ອງກັນແລະປິ່ນປົວພະຍາດເອດ.
ທ່ານຫຼີເຄີ້ຊຽງກ່າວວ່າ, ແຕ່ລະທ້ອງຖິ່ນແລະພາກສ່ວນຕ່າງໆຕ້ອງເອົາການປ້ອງກັນແລະປິ່ນປົວພະຍາດເອດປະສົມປະສານກັບການລົງເລິກການປະຕິຮູບດ້ານສາທາລະນະສຸກ, ເພີ່ມງົບປະມານໃນດ້ານນີ້, ເພີ່ມທະວີການສ້າງສາຄວາມສາມາດປ້ອງກັນແລະປິ່ນປົວພະຍາດເອດຢູ່ຂັ້ນຮາກຖານ, ພະຍາຍາມບັນລຸເປົ້າໝາຍທີ່ຊອກພົບຜູ້ເປັນພະຍາດເອດໃໝ່ໃນປີ2015ໃຫ້ຕ່ຳລົງຢ່າງເດັ່ນຊັດເມື່ອທຽບກັບປີ2010ຜ່ານມາ, ເຮັດໃຫ້ອັດຕາການຕາຍຂອງຜູ້ເປັນພະຍາດເອດຫຼຸດລົງຢ່າງເດັ່ນຊັດ.
