ຈີນຕັ້ງໜ້າສະໜັບສະໜູນການສ້າງເຂດປອດນິວເຄຼຍອາຊີອາຄະເນ
(GMT+08:00) 2011-11-21 16:17:12 cri
ຕາມຂ່າວສານຊິນຮວາ:ວັນທີ20ພະຈິກນີ້,ຢູ່ທີ່ປັກກິ່ງ,ທ່ານລິວເວີ້ຍມີນ,ໂຄສົກກະຊວງການຕ່າງປະເທດຈີນກ່າວວ່າ,ຈີນຕັ້ງໜ້າສະໜັບສະໜູນການສ້າງເຂດປອດອາວຸດນິວເຄຼຍອາຊີອາຄະເນມາໂດຍຕະຫຼອດ,ເວລາໃດສົນທິສັນຍາເຂດປອດອາວຸດນິວເຄຼຍອາຊີອາຄະເນເປີດໂອກາດໃຫ້ລົງນາມ,ຈີນຍິນດີລົງນາມເຂົ້າຮ່ວມອະນຸສັນຍາຂອງສົນທິສັນຍາສະບັບນີ້ໂດຍທັນທີ.
ທ່ານລິວເວີ້ຍມີນແມ່ນໃຫ້ທັດສະນະດັ່ງກ່າວໃນເວລາຕອບຄຳຖາມທີ່ກ່ຽວຂ້ອງຂອງນັກ ຂ່າວ.ທ່ານກ່າວວ່,ແຕ່ວັນທີ12ຫາວັນທີ14ພະຈິກນີ້,5ປະເທດອາວຸດນິວເຄຼຍ ຄື:ຈີນ,ອາ ເມລິກາ,ຣັດເຊຍ,ອັງກິດແລະຝະຣັ່ງພ້ອມກັບອາຊຽນໄດ້ຈັດການປຶກສາຫາລືກັນຢູ່ເກາະບາຫຼີຂອງອິນໂດເນເຊຍກ່ຽວກັບອະນຸສັນຍາຂອງ "ສົນທິສັນຍາເຂດປອດນິວເຄຼຍອາຊີອາຄະເນ".ຜ່ານການທຳຄວາມພະຍາຍາມຮ່ວມກັນ,ຝ່າຍຕ່າງໆໄດ້ບັນລຸຄວາມເຫັນທີ່ເປັນເອກະສັນກັນກ່ຽວກັບບັນຫາທີ່ຍັງຄົງຄ້າງກ່ຽວກັບອະນຸສັນຍາຂອງສົນທິສັນຍາສະ ບັບນີ້.
ທ່ານລິວເວີ້ຍມີນກ່າວວ່າ,ຈີນເອົາໃຈໃສ່ໃນລະດັບສູງຕໍ່ການຂະຫຍາຍການພົວພັນຄູ່ຮ່ວມມືຍຸດທະສາດທີ່ອ່ວາຍໜ້າໄປສູ່ສັນຕິພາບແລະຄວາມຈະເລີນຮຸ່ງເຮືອງກັບອາຊຽນ,ຕັ້ງໜ້າສະໜັບສະໜູນການສ້າງເຂດປອດນິວເຄຼຍອາຊີອາຄະເນໂດຍຕະຫຼອດ.ຈີນຍິນດີຮ່ວມກັນກັບບັນດາຝ່າຍທີ່ກ່ຽວຂ້ອງທຳຄວາມພະຍາຍາມ,ຊຸກຍູ້ໃຫ້ອະນຸສັນຍາຂອງ"ສົນທິສັນຍາເຂດປອດນິວເຄຼຍອາຊີອາຄະເນ"ມີຜົນບັງຄັບໃຊ້ໂດຍໄວເທົ່າທີ່ຈະໄວໄດ້.
