ຈີນພະຍາຍາມຊຸກຍູ້ການກໍ່ສ້າງດ່ານເຂົ້າອອກເມືອງເພື່ອສ້າງຄວາມຈະເລີນແລະຮັ່ງມີເຂັ້ມແຂງຢູ່ເຂດຊາຍແດນ
(GMT+08:00) 2011-11-21 16:49:41 cri
ວັນທີ20ພະຈິກນີ້,ຂ່າວຈາກເມືອງນານນີງທາງພາກໃຕ້ຂອງຈີນແຈ້ງໃຫ້ຊາບວ່າ,ໃນ5ປີຂ້າງໜ້ານີ້,ແຫ່ງຕ່າງໆຂອງຈີນຈະເລັ່ງລັດກໍ່ສ້າງດ່ານເຂົ້າອອກເມືອງ,ເປີດກວ້າງການໄຂປະຕູສູ່ພາຍນອກຕື່ມອີກ,ເພື່ອຊຸກຍູ້ການພັດທະນາເສດຖະກິດຂອງເຂດຊາຍແດນ.
ເຈົ້າໜ້າທີ່ຂອງຄະນະກຳມະການວຽກງານຊົນເຜົ່າແຫ່ງຊາດຈີນແລະເຈົ້າໜ້າທີ່ຂອງເຂດຊາຍແດນຫຼາຍແຫ່ງໄດ້ໃຫ້ທັດສະນະດັ່ງກ່າວໃນກອງປະຊຸມກ່ຽວຂ້ອງທີ່ຈັດຂຶ້ນໃນຫວ່າງບໍ່ດົນມານີ້.ທ່ານລໍລີມີງ,ຮອງຫົວໜ້າຄະນະກຳມະການວຽກງານຊົນເຜົ່າແຫ່ງຊາດຈີນກ່າວວ່າ,ໃນ"ຂະບວນການສ້າງເຂດຊາຍແດນໃຫ້ຈະເລີນແລະເຮັດໃຫ້ປະຊາຊົນເຂດຊາຍແດນມີຄວາມຮັ່ງມີ",ລັດຖະບານຈະເພີ່ມງົບປະມານເຂົ້າໃນການກໍ່ສ້າງດ່ານເຂົ້າອອກເມືອງ,ເພີ່ມການສະໜັບສະ ໜູນດ້ານເງິນກູ້ດອກເບ້ຍຕ່ຳຕໍ່ໂຄງການກໍ່ສ້າງພື້ນຖານໂຄງລ່າງຢູ່ເຂດຮ່ວມມືດ້ານເສດຖະກິດເຕັກນິກຂອງເຂດຊາຍແດນ;ປັບຂອບເຂດຍົກເວັ້ນພາສີສຳລັບເຄື່ອງໃຊ້ໃນຊີວິດປະຈຳວັນທີ່ ຂາເຂົ້າຈາກຕ່າງປະເທດໃນເວລາອັນເໝາະສົມ;ສົ່ງເສີມ,ຊັກນຳແລະສະໜັບສະໜູນວິສາຫະກິດເຂດໃນກັບວິສາຫະກິດເຂດຊາຍແດນຮ່ວມມືກັນໃນການລົງທຶນຢູ່ຕ່າງປະເທດ,ກິດຈະການຮັບເໝົາຢູ່ຕ່າງປະເທດແລະການຮ່ວມມືດ້ານແຮງງານຢູ່ຕ່າງປະເທດ,ເປີດກວ້າງການໄຂປະຕູສູ່ພາຍນອກຕື່ມອີກ.
