ຄະນະກຳມະການຫຼຸດຂຸມການເງິນຂອງລັດຖະສະພາອາເມລິກາປະກາດວ່າບໍ່ໄດ້ບັນລຸຄວາມເຫັນເປັນເອກະພາບກັນ
(GMT+08:00) 2011-11-22 16:17:51 cri
ຜູ່ຮັບຜິດຊອບຄະນະກຳມາທິການພິເສດກ່ຽວກັບການຫຼຸດຂຸມການເງິນຂອງລັດຖະສະພາອາເມລິກາປະກາດໃນວັນທີ21ພະຈິກນີ້ວ່າ,ຜູ່ແທນຂອງສອງພັກການເມືອງຄືພັກເດໂມເຄຼັດແລະພັກລີພັບປຼີກັນບໍ່ໄດ້ບັນລຸຄວາມເຫັນເປັນເອກະສັນກັນກ່ຽວກັບການຫຼຸດຂຸມການເງິນພາຍໃນເວລາກຳນົດ,ນີ້ສະແດງໃຫ້ເຫັນວ່າຄວາມພະຍາຍາມໃນການຫຼຸດຂຸມການເງິນນັບຕັ້ງແຕ່ຄະນະກຳມາທິການດັ່ງກ່າວສ້າງຕັ້ງຂຶ້ນມານີ້ບໍ່ໄດ້ບັນລຸຜົນສຳເລັດ.
ກ່ຽວກັບເລື່ອງນີ້,ທ່ານບາຣັກໂອບາມາ ປະທານາທິບໍດີອາເມລິກາກ່າວວ່າ,ຖ້າວ່າລັດຖະສະພາບໍ່ສາມາດບັນລຸແຜນການສະບັບໃໝ່ກ່ຽວກັບຫຼຸດຂຸມການເງິນຂອງລັດຖະບານໄດ້,ທ່ານຈະໃຊ້ສິດຢັບຢັ້ງຕໍ່ການປັບປຸງແຜນການຫຼຸດຂຸມການເງິນໂດຍອັດຕະໂນມັດ.ທ່ານໂອບາມາກ່າວວ່າ,ວິທີພຽງດຽວໃນການຫຼີກເວັ້ນບໍ່ໃຊ້ແຜນການຫຼຸດຂຸມການເງິນໂດຍອັດຕະໂນມັດນັ້ນແມ່ນລັດຖະສະພາທຳຄວາມພະຍາມຄືນອີກເພື່ອບັນລຸແຜນການທີ່ດຸນດ່ຽງກັນ.ລັດຖະສະພາຍັງມີເວລາ1ປີເພື່ອແກ້ໄຂບັນຫານີ້.
ຍ້ອນໄດ້ຮັບຜົນສະທ້ອນຈາກເລື່ອງນີ້, ຕົວເລກດັດຊະນີສຳຄັນ3ຊະນິດຂອງຕະຫຼາດຫຸ້ນນີວຢອກໃນມື້ດຽວກັນສືບຕໍ່ຕົກຕ່ຳລົງ,ໃນນັ້ນ,ຕົວເລກດັດຊະນີດາວຈອນສDow Jones ຫຼຸດລົງຫຼາຍກວ່າ2,1%,Standard＆PoorsແລະນາສດັກNASDAQຫຼຸດລົງປະມານ1,9%.
