ທ່ານນາງມາກາເຣດ ຈັນ ເປັນຜູ້ສະໝັກຮັບເລືອກຕັ້ງພຽງຜູ້ດຽວຂອງຜູ້ອຳນວຍການໃຫຍ່ສະໄໝໜ້າຂອງອົງການອະນາໄມໂລກ
(GMT+08:00) 2011-11-22 15:56:51 cri
ວັນທີ21ພະຈິກນີ້, ຢູ່ທີ່ເຊີແນວ, ອົງການອະນາໄມໂລກໄດ້ອອກປະກາດແຈ້ງການໂດຍເປີດເຜີຍວ່າ, ທ່ານນາງມາກາເຣດ ຈັນ ຜູ້ອຳນວຍການໃຫຍ່ຜູ້ປະຈຸບັນຈະເປັນຜູ້ສະໝັກຮັບເລືອກຕັ້ງພຽງຜູ້ດຽວທີ່ຈະເຂົ້າຮ່ວມການເລືອກຕັ້ງຜູ້ອຳນວຍການໃຫຍ່ສະໄໝໜ້າ.
ຕາມຂ່າວແຈ້ງວ່າ, ຄະນະບໍລິຫານງານອົງການອະນາໄມໂລກຈະຈັດກອງປະຊຸມແຕ່ວັນທີ16ຫາວັນທີ23ມັງກອນປີໜ້າ, ແລະຈະປ່ອນບັດຕົກລົງວ່າຈະສະເໜີຜູ້ສະໝັກຮັບເລືອກຕັ້ງຕໍ່ກອງປະຊຸມໃຫຍ່ອະນາໄມໂລກຫຼືບໍ່. ກອງປະຊຸມໃຫຍ່ອະນາໄມໂລກຈະຈັດຂຶ້ນຢູ່ເຊີແນວແຕ່ວັນທີ21ຫາວັນທີ26ພຶດສະພາປີໜ້າ, ເມື່ອຮອດເວລານັ້ນ, ສະມາຊິກຕ່າງໆຈະເລືອກຕັ້ງຜູ້ອຳນວຍການໃຫຍ່ຜູ້ໃໝ່ຂອງອົງການອະນາໄມໂລກ.