ວັນທີ 21 ພະຈິກນີ້, ທ່ານເຊ້ເຈີ້ນຮວາ ຮອງຫົວໜ້າຄະນະກຳມະການການພັດທະນາແລະການປະຕິຮູບແຫ່ງລັດຈີນກ່າວວ່າ, ຈີນຈະໃຫ້ການຊ່ວຍເຫຼືອເທົ່າທີ່ຈະເຮັດໄດ້ຕໍ່ປະເທດທີ່ຖືກຜົນສະທ້ອນຈາກການປ່ຽນແປງຂອງດິນຟ້າອາກາດໂດຍຜ່ານ"ການຮ່ວມມືໃຕ້ໃຕ້"ກ່ຽວກັບການປ່ຽນແປງຂອງດິນຟ້າອາກາດ,ເພື່ອສອດຄ່ອງກັບສະພາບຕົວຈິງໃນການປ່ຽນແປງຂອງດິນຟ້າອາກາດ.
ມື້ດຽວກັນ, ໃນເວລາເຂົ້າຮ່ວມຊຸດອົບຮົມສຳລັບຮັບມືກັບການປ່ຽນແປງຂອງດິນຟ້າອາກາດເຊິ່ງທີ່ມີປະເທດພວມພັດທະນາເຖິງ 26 ປະເທດເຂົ້າຮ່ວມ, ທ່ານເຊ້ເຈີ້ນຮວາກ່າວວ່າ,ການຊ່ວຍເຫຼືອຂອງຈີນລວມທັງ, ການກໍ່ສ້າງພື້ນຖານໂຄງລ່າງ, ການເຜີຍແຜ່ເຕັກນິກເພື່ອສອດຄ່ອງກັບການປ່ຽນແປງຂອງດິນຟ້າອາກາດ, ການເຜີຍແຜ່ນຳໃຊ້ເຕັກນິກຜະລິດຕະພັນປະຢັດພະລັງງານ ແລະ ພະລັງງານເກີດໃໝ່ໄດ້, ພ້ອມທັງການກໍ່ສ້າງໂຄງການຄວາມສາມາດທີ່ປະເທດພວມພັດທະນາຕ້ອງການ.
