ຈີນສະແດງຄວາມຊົມເຊີຍຕໍ່ການສ້າງຕັ້ງລັດຖະບານຊົ່ວຄາວແຫ່ງຊາດລີບີ
(GMT+08:00) 2011-11-23 16:20:06 cri
ວັນທີ23ພະຈິກນີ້, ທ່ານລິວເຫວີຍມິນ, ໂຄສົກກະຊວງການຕ່າງປະເທດຈີນກ່າວວ່າ,ການສ້າງຕັ້ງລັດຖະບານຊົ່ວຄາວແຫ່ງຊາດລີບີເປັນຂີດໝາຍສະແດງໃຫ້ເຫັນວ່າຂະບວນການຊົ່ວຄາວທາງການເມືອງຂອງລີບີໄດ້ຢ່ວງເຂົ້າສູ່ບາດກ້າວທີ່ສຳຄັນ,ຈີນສະແດງຄວາມຊົມເຊີຍຕໍ່ເລື່ອງນີ້.
ທ່ານລິວເຫວີຍມິນກ່າວວ່າ,ຈີນຫວັງໃຫ້ການສ້າງສາຄືນໃໝ່ທາງດ້ານການເມືອງແລະເສດຖະກິດຂອງລີບີດຳເນີນໄປຢ່າງສະດວກ, ປົກປັກຮັກສາສະຖຽນລະພາບຂອງສັງຄົມ,ບັນລຸຄວາມສາມັກຄີປອງດອງຊາດ,ເຮັດໃຫ້ປະຊາຊົນລີບີດຳລົງຊີວິດຢ່າງມີຄວາມສຸກແລະຄວາມສະຫງົບໂດຍໄວ. ຈີນຈະຮ່ວມກັບລີບີພະຍາຍາມຊຸກຍູ້ການພົວພັນຢ່າງມີໄມຕີຈິດມິດຕະພາບລະຫວ່າງສອງປະເທດໃຫ້ຂະຫຍາຍໄປໜ້າຢ່າງຕໍ່ເນື່ອງ,ແລະຍິນດີເສີມຂະຫຍາຍບົດບາດທີ່ມີລັກສະນະສ້າງສັນໃນການສ້າງສາຄືນໃໝ່ຂອງລີບີ.
