ກອງທັບເອຢິບຮັບເອົາໃບຂໍລາອອກຈາກຕຳແໜ່ງຂອງຄະນະລັດຖະບານແລະປະກາດເວລາກຳນົດຂອງການເລືອກຕັ້ງ ອາເມລິກາກ່າວປະນາມເຫດການກຳລັງຮຸນແຮງຢູ່ເອຢິບ
(GMT+08:00) 2011-11-23 16:08:34 cri
ຕາມຂ່າວCRI: ຕອນແລງວັນທີ22ພະຈິກນີ້, ທ່ານຮຸດເຊອິນ ຕັນຕາວີປະທານຄະນະກຳມະການສູງສຸດຂອງກອງທັບເອຢິບໄດ້ກ່າວຄຳປາໄສທາງໂທລະພາບວ່າ, ກອງທັບໄດ້ຮັບເອົາໃບສະເໜີລາອອກຈາກຕຳແໜ່ງຈາກຄະນະລັດຖະບານແລ້ວແລະ, ຈະຈັດຕັ້ງລັດຖະບານທີ່ປະກອບດ້ວຍຊົນເຜົ່າ, ແລະຈະຈັດການເລືອກຕັ້ງຕາມເວລາກຳນົດ.
ທ່ານຮຸດເຊອິນ ຕັນຕາວີກ່າວວ່າ, ຄະນະກຳມະການສູງສຸດຂອງກອງທັບບໍ່ຢາກຄວບຄຸມອຳນາດ, ຖ້າວ່າປະຊາຊົນມີຄວາມຍິນດີ, ສາມາດຜ່ານປະຊາມະຕິເພື່ອມອບອຳນາດໃນທັນທີ. ກອງທັບຮຽກຮ້ອງໃຫ້ຄະນະລັດຖະບານຊຸດນີ້ສືບຕໍ່ຮັກສາອຳນາດການປົກຄອງໄປຈົນກວ່າຈະມີການຈັດຕັ້ງລັດຖະບານຊຸດໃໝ່, ການເລືອກຕັ້ງປະທາ ນາທິບໍດີຫຼ້າສຸດຈະຈັດຂຶ້ນກ່ອນວັນທີ30ມິຖຸນາປີໜ້າ.
ນັບແຕ່ວັນທີ18ພະຈິກນີ້ເປັນຕົ້ນມາ, ການເດີນຂະບວນໄຫວປະທ້ວງທີ່ຮຽກຮ້ອງໃຫ້ກອງທັບມອບອຳນາດທີ່ເກີດຂຶ້ນຢູ່ນະຄອນຫຼວງເລີແກຂອງເອຢິບໄດ້ສືບຕໍ່ດຳເນີນຢູ່ບໍ່ຂາດ, ທະຫານແລະຕຳຫຼວດໄດ້ປະທະກັນກັບຜູ້ປະທ້ວງຢ່າງຕໍ່ເນື່ອງ, ເຊິ່ງເຮັດໃຫ້ມີຜູ້ເສຍຊີວິດ28ຄົນ, ແລະຫຼາຍກວ່າ2000ກວ່າຄົນໄດ້ຮັບບາດເຈັບ.
ວັນທີ22ພະຈິກນີ້, ທ່ານເຈ ຄານີໂຄສົກທຳນຽບຂາວຂອງອາເມລິກາໄດ້ກ່າວປະນາມຕໍ່ເຫດການຄວາມຮຸນແຮງທີ່ເກີດຂຶ້ນ, ແລະກ່າວເນັ້ນວ່າເອຢິບຕ້ອງຢຸດຕິການໃຊ້ກຳລັງຮຸນແຮງໃນການປາບປາມຜູ້ປະທ້ວງການປາບປາມຄວາມດຳເນີນໄປແບບສັນຕິວິທີເພື່ອສ້າງອານາຄົດຂອງຕົນ.