ຈີນເລີ່ມສ້າງລະບົບປະກາດຂ່າວເຕືອນໄພສາທາລະນະສຸກເສີນແຫ່ງຊາດ
(GMT+08:00) 2011-11-23 14:51:01 cri
ວັນທີ 22 ພະຈິກນີ້, ກົມອຸຕຸນິຍົມແຈ້ງວ່າ, ຈີນຈະເລີ່ມສ້າງລະບົບປະກາດຂ່າວເຕືອນໄພສາທາລະນະສຸກເສີນແຫ່ງຊາດຢ່າງເປັນທາງການ. ລະບົບດັ່ງກ່າວຈະສ້າງສຳເລັດແລະເລີ່ມປະຕິບັດຕົວຈິງໃນທ້າຍປີ 2012.
ທ່ານຊຸ່ນຈ້ຽນ, ຫົວໜ້າສູນບໍລິຫານອຸຕຸນິຍົມສາທາລະນະຂອງກົມອຸຕຸນິຍົມຈີນແນະນຳວ່າ, ເມື່ອລະບົບດັ່ງກ່າວສ້າງສຳເລັດແລ້ວ, ຈະຮັບ, ແກ້ໄຂແລະປະກາດຂ່າວເຕືອນໄພສາທາລະນະສຸກເສີນ 4 ປະເພດຢ່າງທັນການ, ເຊັ່ນ: ໄພທຳມະຊາດ, ເຫດການ, ເຫດການສາທາລະນະແລະເຫດການຄວາມປອດໄພທາງສັງຄົມເປັນຕົ້ນ, ຮັບປະກັນໃຫ້ພາກສ່ວນທີ່ກ່ຽວຂ້ອງແລະປະຊາຊົນໃນສັງຄົມສາມາດໄດ້ຮັບຂໍ້ມູນຂ່າວສານໃນການເຕືອນໄພຢ່າງທັນການ, ຮັບປະກັນຄວາມປອດໄພດ້ານຊີວິດແລະຊັບສິນຂອງປະຊາຊົນຢ່າງຂະໜາດໃຫຍ່ທີ່ສຸດ.
ລະບົບປະກາດຂ່າວເຕືອນໄພສາທາລະນະສຸກເສີນແຫ່ງຊາດທີ່ສ້າງສຳເລັດນັ້ນຈະບັນລຸອັດຕາສາທາລະນະຊົນເຖິງ 82%, ຮັບປະກັນໃຫ້ປະຊາຊົນໄດ້ຮັບຮູ້ຂ່າວເຕືອນໄພພາຍໃນ 10 ນາທີຫຼັງຈາກລະບົບປະກາດຂ່າວຕ່າງໆເຕືອນໄພແລ້ວ ໂດຍຜ່ານທາງວິທະຍຸ, ໂທລະພາບ, ເວັບໄຊ, ຂໍ້ຄວາມສັ້ນໂທລະສັບມືຖື, ຈໍໃຫຍ່ເອເລັກໂຕຼນິກແລະໂທລະໂຄ່ງທີ່ຕິດຕັ້ງໃນເຂດຊົນນະບົດເປັນຕົ້ນ.
