ຈີນຍຶດໝັ້ນເດີນຕາມເສັ້ນທາງພັດທະນາແບບຍືນຍົງແລະປະກອບສ່ວນຫຼາຍກວ່າເກົ່າເຂົ້າໃນການຮັບມືກັບການປ່ຽນແປງຂອງດິນຟ້າອາກາດໃນທົ່ວໂລກ
(GMT+08:00) 2011-11-23 17:40:30 cri
ແຕ່ທ້າຍເດືອນພະຈິກຫາຕົ້ນເດືອນທັນວາປີ2011ນີ້,ກອງປະຊຸມສະຫະປະຊາຊາດກ່ຽວກັບການປ່ຽນແປງຂອງດິນຟ້າອາກາດຈະຈັດຂຶ້ນຢູ່ເດີບານຂອງປະເທດອາຟຣິກາໃຕ້.ວັນທີ22ພະຈິກນີ້,ຈີນໄດ້ເຜີຍແຜ່ປື້ມປົກຂາວ"ນະໂຍບາຍແລະການປະຕິບັດງານຂອງຈີນເພື່ອຮັບມືກັບການປ່ຽນແປງຂອງດິນຟ້າອາກາດປີ2011".ກ່ຽວກັບເລື່ອງນີ້,ທ່ານເຊ້ເຈີ້ນຮວາ,ຮອງຫົວໜ້າຄະນະກຳມະການພັດທະນາແລະປະຕິຮູບແຫ່ງລັດຈີນໄດ້ແນະນຳໝາກຜົນທີ່ໄດ້ຮັບໃນປະຈຸບັນແລະມາດຕະການທີ່ຈະໃຊ້ໃນອະນາຄົດຂອງຈີນໃນການຮັບມືກັບການປ່ຽນແປງຂອງດິນຟ້າອາກາດ,ແລະໄດ້ບັນລະຍາຍຫຼັກໝັ້ນຂອງຈີນໃນເວລາເຂົ້າຮ່ວມການເຈລະຈາສາກົນດ້ານການປ່ຽນແປງຂອງດິນຟ້າອາກາດ.ທ່ານກ່າວວ່າ,ຈີນຈະຍຶດໝັ້ນເດີນຕາມເສັ້ນທາງພັດທະນາແບບຍືນຍົງຢ່າງໝັ້ນໜຽວບໍ່ປ່ຽນແປງ,ປະກອບສ່ວນຫຼາຍກວ່າເກົ່າເຂົ້າໃນການຮັບມືກັບການປ່ຽນແປງຂອງດິນຟ້າອາກາດໃນທົ່ວໂລກ.
ຈີນພວມຢູ່ໃນໄລຍະການພັດທະນາທີ່ຫັນເປັນອຸດສາຫະກຳແລະຫັນເປັນຕົວເມືອງ,ຄຽງຄູ່ກັບການເຕີບໂຕດ້ານເສດຖະກິດ,ການລະບາຍອາຍພິດເຮືອນແກ້ວກໍພວມຢູ່ໃນໄລຍະເພີ່ມຫຼາຍຂຶ້ນ.ໃນແຜນພັດທະນາເສດຖະກິດສັງຄົມ5ປີສາມສະບັບ ຄືໃນໄລຍະແຕ່ປີ 2000ຫາປີ2015,ຈີນລ້ວນແຕ່ໄດ້ວາງມາດຕະການຫຼາຍຢ່າງ,ຄື:ປະຢັດພະລັງງານ,ຍົກສູງສະມັດຖະພາບການນຳໃຊ້ພະລັງງານໃຫ້ສູງຂຶ້ນ,ພັດທະນາພະລັງງານທີ່ເກີດໃໝ່ໄດ້ດັ່ງນີ້ເປັນຕົ້ນ.
ທ່ານເຊ້ເຈີ້ນຮວາບອກໃຫ້ຮູ້ວ່າ:"ຈີນບໍ່ໄດ້ຮັບເງິນທຶນແລະເຕັກນິກຈາກພາຍນອກແຕ່ຢ່າງໃດ,ແຕ່ພວກຂ້າພະເຈົ້າໄດ້ປະຕິບັດຕົວຈິງແລ້ວໃນການຫຼຸດການລະບາຍອາຍພິດເຮືອນແກ້ວ.ໃນແຜນພັດທະນາເສດຖະກິດສັງຄົມ5ປີຄັ້ງທີ11ກຳນົດວ່າຈະເຮັດໃຫ້ການສິ້ນເປືອງພະລັງງານຂອງຫົວໜ່ວຍGDPຫຼຸດລົງປະມານ20%,ດຽວນີ້ພວກເຮົາໄດ້ຫຼຸດການລະບາຍກາກບອນດີອອກຊິດ1ຕື້500ລ້ານໂຕນແລ້ວ".ໃນແຜນພັດທະນາເສດຖະກິດສັງຄົມ5ປີຄັ້ງທີ12ກໍ່ໄດ້ວາງຄາດໝາຍມາວ່າຈະຫຼຸດການລະບາຍກາກບອນດີອອກຊິດໃຫ້ຕ່ຳລົງ17%,ເທົ່າກັບຈະຫຼຸດການລະບາຍກາກບອນດີອອກຊິດ1ຕື້500ຫາ1ຕື້600ລ້ານໂຕນ.ອາດເວົ້າໄດ້ວ່າ,ໃນໄລຍະການເຕີບໂຕເສດຖະກິດ,ຈີນໄດ້ໃຊ້ມາດຕະການຢ່າງຕັ້ງ ໜ້າ."
ເມື່ອກ່າວເຖິງກອງປະຊຸມຂອງສະຫະປະຊາຊາດກ່ຽວກັບການປ່ຽນແປງຂອງດິນຟ້າອາ ກາດທີ່ຈະຈັດຂຶ້ນຢູ່ເດີບານ,ທ່ານເຊເຈີ້ນຮວາທີ່ເປັນຫົວໜ້າຄະນະຜູ່ແທນຈີນກ່າວວ່າ,ບັນ ຫາກ່ຽວກັບໄລຍະຄຳໝັ້ນສັນຍາໄລຍະທີສອງຂອງອະນຸສັນຍາກຽວໂຕອາດຈະແມ່ນບັນ ຫາຈຸດສຸມຂອງກອງປະຊຸມເດີບານຄັ້ງນີ້.ທ່ານກ່າວວ່າ:"ພວກຂ້າພະເຈົ້າຍຶດໝັ້ນຫຼັກໝັ້ນ ຂອງປະເທດພວມພັດທະນາ,ບັນຫາໄລຍະຄຳໝັ້ນສັນຍາໄລ ຍະທີສອງຂອງອະນຸສັນຍາກຽວໂຕແມ່ນບັນຫາຂໍກະແຈແລະບັນຫາຈຸດສຸມຂອງກົນໄກຫຼາຍຝ່າຍເພື່ອຮັບມືກັບການປ່ຽນແປງຂອງດິນຟ້າອາກາດ,ສະນັ້ນປະເທດຕ່າງໆຄວນປະຕິບັດຕາມຄວາມເຫັນທີ່ເປັນເອກະສັນກັນທີ່ມີຢູ່ແລ້ວແລະເຮັດໃຫ້ຄຳໝັ້ນສັນຍາຂອງຕົນໄດ້ຮັບການປະຕິບັດຕົວຈິງ.ອະນຸສັນຍາກຽວໂຕໄດ້ສະແດງໃຫ້ເຫັນປະເທດທີ່ພັດທະນາແລ້ວແລະປະເທດທີ່ພວມພັດທະນາມີຄວາມຮັບຜິດຊອບຮ່ວມກັນແຕ່ບໍ່ທໍ່ກັນ,ແມ່ນສັນຍາຫຼາຍຝ່າຍອັນສຳຄັນທີ່ມີຜົນບັງຄັບໃຊ້ດ້ານກົດໝາຍ,ສະນັ້ນຕ້ອງຍຶດໝັ້ນປະຕິບັດ,ນີ້ແມ່ນພື້ນຖານແຫ່ງຄວາມໄວ້ເນື້ອເຊື່ອໃຈກັນດ້ານການເມືອງ."
