ຄຽງຄູ່ກັບຍານອະວະກາດ"ທ່ຽນໂກ່ງເລກ1"ແລະ"ເຊີນໂຈ່ວເລກ8"ຂອງຈີນເຊື່ອມຕໍ່ກັນຢ່າງສຳເລັດຜົນ, ວັນທີ 22 ພະຈິກນີ້, ກົມສິດຊັບສິນທາງປັນຍາແຫ່ງລັດຈີນ ແລະ ອົງການປົກຄອງນະຄອນຊຽງໄຮໄດ້ຈັດພິທີ, ມອບໃບຢັ້ງຢືນສິດທິບັດ 15 ລາຍການໃນງວດທຳອິດໃຫ້ສະຖາບັນຄົ້ນຄວ້າເຕັກນິກການບິນອະວະກາດຊຽງໄຮ ເຊິ່ງເປັນອົງການຄົ້ນຄວ້າຜະລິດການເຊື່ອມຕໍ່ລະຫວ່າງຍານອະວະກາດ.
ຕາມຂ່າວແຈ້ງວ່າ, ໃບຢັ້ງຢືນ 15 ລາຍການນີ້ລວມທັງອຸປະກອນເຊື່ອມຕໍ່ລະຫວ່າງຍານອະວະກາດ ແລະ ຫ້ອງທົດລອງອົງການກັນຊົນເຊື່ອມຕໍ່ໃນອະວະກາດເປັນຕົ້ນ.
ທ່ານກ່າວຊົ່ງທ່າວ ຫົວໜ້າພະແນກຄົ້ນຄວ້າທີ 805ຂອງສະຖາບັນຄົ້ນຄວ້າເຕັກນິກການບິນອະວະກາດຊຽງໄຮແຈ້ງໃຫ້ຮູ້ວ່າ, ໃນຂະບວນການຄົ້ນຄວ້າຜະລິດການເຊື່ອມຕໍ່ໄດ້ໃຊ້ເວລາເຖິງ 17 ປີ, ພະນັກງານຄົ້ນຄວ້າວິທະຍາສາດດຳເນີນການຄົ້ນຄວ້າຢ່າງເລິກເຊິ່ງ, ປະດິດສ້າງ, ໄດ້ຮັບຜົນສຳເລັດໃນດ້ານເຕັກນິກທີ່ສຳຄັນຕ່າງໆ ເຊັ່ນ, ເອົາແບບຕົວຈິງ, ກະແຈຈັບ ແລະ ກະແຈເຊື່ອມຕໍ່ເປັນຕົ້ນ, ຮັບປະກັນໜ້າທີ່ເຊື່ອມຕໍ່ໃນອະວະກາດສາມາດໄດ້ຮັບຜົນສຳເລັດໃນເທື່ອດຽວ,ສະແດງໃຫ້ເຫັນເຖິງຄວາມສາມາດອັນແນ່ນອນຂອງເຕັກນິກເຊື່ອມຕໍ່ໃນອະວະກາດຂອງຈີນ.
