ຕາມຂ່າວCRI :ວັນທີ22 ພະຈິກນີ້, ຢູ່ທີ່ນະຄອນຊຽງໄຮຂອງຈີນ,ໂຮງແຮມ"ດວງດາວຈິນຈ່ຽງ" ທີ່ເປັນໂຮງແຮມລາຄາຖືກທີ່ໃຫຍ່ທີ່ສຸດຂອງຈີນກັບກຸ່ມບໍລິ ສັດໂຮງແຮມວັງລູເວຼີຂອງຝຣັ່ງໄດ້ຮ່ວມເຊັນສັນຍາສະຫະພັນຍີ່ຫໍ້,ແລ້ວກາຍເປັນໂຮງແຮມລາຄາຖືກແຫ່ງທຳອິດຂອງຈີນທີ່ເຂົ້າສູ່ເອີລົບ.
ກຸ່ມບໍລິສັດວັງລູເວຼີແມ່ນກຸ່ມບໍລິສັດໂຮງແຮມໃຫຍ່ອັນດັບສອງຂອງເອີລົບ,ແລະຢູ່ໃນອັນດັບທີ 8 ຂອງຂະແຫນງການໂຮງແຮມໃນທົ່ວໂລກ.ຕາມສັນຍານີ້, ໂຮງແຮມ"ດວງດາວຈິນຈ່ຽງ" 15ຫຼັງຈະເລີ່ມກໍ່ສ້າງພ້ອມໆກັນຢູ່ໃນ6 ນະຄອນຂອງຝຣັ່ງເຊັ່ນ:ປາຣີ,ມາກໄຊແລະແຫ່ງອື່ນໆ.
ກ່ອນຫນ້ານີ້, ກຸ່ມບໍລິສັດ"ດວງດາວຈິນຈ່ຽງ"ໄດ້ເຂົ້າສູ່ຕະຫຼາດຟິລິບປິນ ດ້ວຍຮູບການທີ່ສົ່ງອອກຍີ່ຫໍ້ໄປຕ່າງປະເທດ.ທ່ານຊູຈູຢຸງທີ່ເປັນຜູ່ລິເລີ່ມໄດ້ກ່າວຕໍ່ນັກຂ່າວວ່າ, ກຸ່ມບໍລິສັດດັ່ງກ່າວໄດ້ສຸມກຳລັງເຂົ້າໃນການລິເລີ່ມສ້າງຕັ້ງຍີ່ຫໍ້ໂດຍຕະຫຼອດ 15 ປີມານີ້,ທ່ານກ່າວວ່າ: " ທີ່ຈິງແລ້ວ,ການລິເລີ່ມສ້າງຕັ້ງຍີ່ຫໍ້ນີ້ຂຶ້ນກໍ່ແມ່ນເພື່ອຜູ່ຊົມໃຊ້ແລະບັນດາແຂກ.ໃນ 15 ປີມານີ້,ຍີ່ຫໍ້ດັ່ງກ່າວໄດ້ສ້າງພື້ນຖານອັນດີງາມ,ສະນັ້ນ ກຸ່ມບໍລິສັດນີ້ກໍ່ໄດ້ພັດທະນາຢູ່ຕ່າງປະເທດຢ່າງ ມີເງື່ອນໄຂ . ຕໍ່ໄປ ພວກຂ້າພະເຈົ້າອາດຍັງຈະມີບາດກ້າວທີສາມແລະທີສີ່ເພື່ອທົດລອງການພັດທະນາຕື່ມອີກ."
